ചുവപ്പിനെ അഗാധമാക്കിയ ബേബി

പാദമുദ്ര

- സജിൽ ശ്രീധർ

എം.എ. ബേബി എന്നും മലയാളിക്ക് ഒരു വിസ്മയമായിരുന്നു. കലഹങ്ങളും കലാപങ്ങളും പോരാട്ടങ്ങളും ഗോഗ്വാവിളികളും രക്തരൂഷിത സമരങ്ങളും അക്രമങ്ങളുമാണ് ചുവപ്പിന്റെ രാഷ്ട്രീയം എന്ന് വ്യാപകമായ വിമർശനങ്ങൾ ഉയർന്ന കാലഘട്ടങ്ങളിലെല്ലാം സൗമ്യസുന്ദരമായ ചിരിയും പക്വമായ സമീപനങ്ങളും സംസ്കാരനിബദ്ധമായ ഭാഷയും വാക്കുകളും പെരുമാറ്റരീതികളും കൊണ്ട് ഒറ്റപ്പെട്ട നക്ഷത്രമായി ജ്വലിച്ചു നിന്നു എം.എ.ബേബി. എന്നാൽ സമരമുഖങ്ങളിൽ വിട്ടുവീഴ്ചയില്ലാതെ പൊരുതിയ ഒരു ബേബി കെ.എസ്.എഫ് കാലം മുതൽ നമു പരിചിതനാണ്. ആ ഘട്ടങ്ങളിൽ പോലും അടിസ്ഥാനപരമായ മാന്യത കാത്തുസൂക്ഷിച്ചു എന്നതാണ് ബേബിയെ വ്യത്യസ്തനാക്കുന്നത്.

ഇ.എം.എസിനും പി. ഗോവിന്ദപ്പിളള ശേഷം സി.പി.എം രാഷ്ട്രീയത്തിലെ ബൗദ്ധിക-ധൈഷണികമുഖങ്ങളിൽ ഒന്ന് എന്ന് അദ്ദേഹം വിശേഷിപ്പിക്കപ്പെട്ടു. എന്നാൽ ഒരു ഘട്ടത്തിലും അദ്ദേഹം സ്വന്തം മേന്മകൾ സ്വയം ഉയർത്തി കാട്ടി യില്ല. പി.ആർ. ഏജൻസികളെ കൊണ്ട് തന്റെ വ്യക്തി മാഹാത്മ്യം പ്രദർശിപ്പിക്കാൻ വ്യഗ്രത കാട്ടിയില്ല.

പരാതികളും പരിഭവങ്ങളുമായി ഒരിടത്തും ചെന്നു നിന്നില്ല. ആരും ഇഷ്ടപ്പെടുന്ന നിർമ്മമമായ ഒരു പുഞ്ചിരിയോടെ എല്ലാ അവസ്ഥകളോടും ഒരേ തലത്തിലും അനുപാതത്തിലും പ്രതികരിക്കുന്ന ബേബിയെയാണ് നാം എല്ലായ്പ്പോഴും കണ്ടത്. പൊതുപ്രവർത്തനം എന്നാൽ അധികാര രാഷ്ട്രീയമോ പാർലമെന്ററി പദവികളോ സംഘടനാ തലത്തിലെ ഉയർന്ന സ്ഥാനമാനങ്ങളോ ഒന്നുമായിരുന്നില്ല എം.എ. ബേബിക്ക്. അദ്ദേഹം നിശ്ശബ്ദമായി തന്റെ നിഷ്കാമകർമ്മം തുടർന്നു കൊണ്ടേയിരുന്നു.

പാരവെയ്പുകളും  കുതികാൽവെട്ടുകളും എതിരാളികളുടെ ചോരയ്ക്കായുള്ള ദാഹവുമൊന്നും എം.എ.ബേബിയുടെ ശൈലിയല്ല. തനിക്ക് എന്ത് ലഭിക്കുന്നു എന്നതിലല്ല ജനങ്ങൾക്ക് എന്ത് നൽകാൻ കഴിയുന്നു എന്നതായിരുന്നു എന്നും അദ്ദേഹത്തിന്റെ മുഖ്യപരിഗണനാ വിഷയം.

വളർച്ചയുടെ നാൾവഴികൾ

കെ.എസ്.എഫിലൂടെ പൊതുരംഗത്ത് വന്ന എം.എ. ബേബി അടിയന്തിരാവസ്ഥക്കാലത്ത് നിരോധനം ലംഘിച്ച് പ്ര തിഷേധപ്രകടനം നടത്തിയതിനെത്തു ടർന്ന് അറസ്റ്റിനും ലോക്കപ്പ് മർദ്ദനത്തി നും ജയിൽ വാസത്തിനും വിധേയനായി.