ഓവറായോ മേക്കപ്പ്?

അബദ്ധങ്ങൾ ഒഴിവാക്കി, മിനിമലി സം പാലിച്ച് മേക്കപ്പ് ചെയ്യാൻ ചില വഴികളുണ്ട്

- ടാന്യ ഉണ്ണി

മേക്കപ്പ്, അത് കുറഞ്ഞാലും കൂടിയാലും പ്രശ്നമാണ്. മിതമായി, വൃത്തിയായി, ഭംഗിയോടെ മേക്കപ്പ് ചെയ്യുന്നത് മിടുക്കു തന്നെയാണ്. സ്ഥിരമായും അല്ലാതെയും മേക്കപ്പ് ഉപയോഗിച്ചിട്ടില്ലാത്തവർ വിരളമായിരിക്കും. പലപ്പോഴും മേക്കപ്പ് ചെയ്യുന്നതിനിടെ അബദ്ധങ്ങളും പറ്റാറുണ്ട്. എവിടെ യാണ് തെറ്റുപറ്റിയതെന്ന് മനസ്സിലാ വുകയുമില്ല. അത്തരത്തിലുണ്ടാകുന്ന മേക്കപ്പ് അബദ്ധങ്ങളും അവയെങ്ങനെ ഒഴിവാക്കാമെന്നും നോക്കാം.

മോയിസ്ചറൈസറിൽ തുടങ്ങാം

മേക്കപ്പിന്റെ ഏറ്റവും വലിയ ശത്രുവാണ് വരണ്ടുണങ്ങിയ ചർമം. നേരിട്ട് മേക്കപ്പിടുന്നതിലൂടെ ചർമപടലം ഉരിഞ്ഞു വന്നേക്കാമെന്നു മാത്രമല്ല, മേക്കപ്പ് ചർമത്തിൽ ലയിക്കാതെ വരും. അതുകൊണ്ടുതന്നെ ഏത് മേക്കപ്പ് ഉപയോഗിക്കുന്നതിന് മുൻപും ചർമം ക്ലെൻസ് ചെയ്ത് മോയിസ്ചറൈസർ പുരട്ടാൻ ശ്രദ്ധിക്കണം. പ്രൈമറിന്റെ ഫലം നൽകുന്ന മോയിസ്ചറൈസറുകൾ കൂടുതൽ ഫലപ്രാപ്തി നൽകും. ചർമം വരണ്ടുണങ്ങാതിരിക്കാൻ ആഴ് ചയിലൊരിക്കൽ സ്ക്രബ് ചെയ്യാം.

കൺസിലറുകൾ അധികമാവല്ലേ

ചർമത്തിലെ കലകളും വരകളും മായ്ക്കുമെന്നുള്ളതുകൊണ്ടുതന്നെ മേക്കപ്പിൽ കൺസീലറുകൾ സുപ്രധാനമാണ്. എന്നിരുന്നാലും ഇവ ചർമം മുഴുവൻ ഉപയോഗിക്കുന്നത് വിരുദ്ധഫലമുണ്ടാക്കും. വരകളും പാടുകളും മറയ്ക്കാൻ മാത്രം യോഗിക്കുന്നതാണ് അനുയോജ്യം. മാത്രമല്ല, നേർത്തതരം കൺസീലറുകൾ ഉപയോഗിക്കുന്നതിലൂടെ മേക്കപ്പിന് സ്വാഭാവികതയും കൈവരും.

കൃത്യമായി ബ്ലഷ് ചെയ്യാം