గురుభక్తి గురుసేవ గురుకార్యం

మన సంస్కృతిలో గురువు స్థానం అత్యున్నతమైనది. అలాంటి గురువును ఆశ్రయించి, సేవించి, విద్యలలోకెల్లా అత్యున్నతమైన బ్రహ్మవిద్యను అభ్యసించమని వేదోపనిషత్తులు ప్రబోధించాయి.

- 

మన సంస్కృతిలో గురువు స్థానం అత్యున్నతమైనది. అలాంటి గురువును ఆశ్రయించి, సేవించి, విద్యలలోకెల్లా అత్యున్నతమైన బ్రహ్మవిద్యను అభ్యసించమని వేదోపనిషత్తులు ప్రబోధించాయి. “ఎవరైతే భగవంతునియందు, అదే రీతిలో గురువుయందు పరాభక్తిని కలిగివుంటారో, అలాంటి మహాత్మునికి శాస్త్రాలలో చెప్పబడిన సత్యాలన్నీ ప్రకాశిస్తాయి. అలాంటివారికి మాత్రమే ప్రకాశిస్తాయి” అని గురువు ప్రాముఖ్యాన్ని తెలియజెప్పింది శ్వేతాశ్వతరోపనిషత్తు. ఇక పురాణాలు, తంత్రాలు గురువును త్రిమూర్తుల స్వరూపంగా, సాక్షాత్తూ ఆ పరబ్రహ్మగా కీర్తించాయి. స్కంద పురాణాంతర్గతమైన 'గురుగీత'లో గురుభక్తి, గురుసేవల ప్రస్తుతి అనేక శ్లోకాలలో కనిపిస్తుంది.

శాస్త్రాలు ప్రవచించిన గురుభక్తి, గురుసేవలకు సజీవ సాక్ష్యంగా నిలచిన ఒక మహాత్ముణ్ణి కొద్దికాలం క్రితమే ఈ ప్రపంచం కళ్ళారా చూసింది. గురువు పేరునే తన పేరుగా కలిగిన ఆ మహాత్ముడే... స్వామి రామకృష్ణానంద, శ్రీరామకృష్ణుల ప్రత్యక్ష సన్న్యాస శిష్యులలో ఒకరు. ఈయన గురుభక్తి, గురుసేవ సాటిలేనివి. అందుకే, స్వామి వివేకానంద తాను స్వీకరించాలనుకున్న 'రామకృష్ణానంద' నామాన్ని ఈయనకు ఇచ్చారు. స్వామి రామకృష్ణానంద పూర్వాశ్రమ నామధేయం శశిభూషణ్ చక్రవర్తి.ఈయన తన తను-మన ప్రాణాలను సంపూర్ణంగా గురువుకే అంకితం చేసి, జీవితాంతం గురుమయంగా గడిపి, రామకృష్ణ సంఘంలో చిరస్మరణీయులయ్యారు.

గురువే జీవన ధ్రువతార!

శశి మహరాజ్ మొదటిసారి దక్షిణేశ్వరం వెళ్ళినప్పుడు జరిగిన సంఘటన... ఆయన శ్రీరామకృష్ణుల పాదధూళిని స్వీకరించాలని ముందుకు వెళతారు. అయితే, శ్రీరామకృష్ణులు తమ పాదాలను వెనక్కు తీసేసుకుంటారు. శిష్యుణ్ణి స్వీకరించే ముందు గురువు చేసిన మొదటి పరీక్ష అది అహంకారపూరితులైన వ్యక్తులు దానిని అవమానంగా భావిస్తారు. కానీ, తనకు అర్హత లేనందునే గురుదేవులు అలా చేశారని శశి మహరాజ్ భావించారు. ఏమాత్రం కోపగించుకోని ఆయన నైజాన్ని గురుదేవులు గమనించారు. తమ అంతరంగ శిష్యునిగా గుర్తించారు. అలా వారి మధ్య గురు శిష్య భావం చిగురించింది.

ఒకసారి శశి మహరాజ్ ఏదో వెదకుతూ శ్రీరామకృష్ణుల గది ముందునుంచి పరుగు పరుగున పోతున్నారు. శ్రీరామకృష్ణులు ఆయనను ఆపి,