ఏది గొప్పబలం?

భాగవత ఆణిముత్యాలు - ప్రవ్రాజిక బోధమయప్రాణ

- 

ప్రపంచాన్నే జయించిన అలెగ్జాండర్ చక్రవర్తి భారతదేశంలో పర్వత ప్రాంతాల్లో పర్యటిస్తున్నప్పుడు దివ్య తేజస్సుతో కూడిన ఒక సన్న్యాసిని చూసి ఆకర్షితుడయ్యాడు. అతణ్ణి తన దేశానికి తీసుకు వెళ్ళి, తనవారికి ఒక వింత వస్తువుగా బహూకరిద్దాం అనుకున్నాడు. తన కత్తిని తీసి ఝళిపిస్తూ, 'ఏయ్ సన్న్యాసీ! నువ్వు నాతో రావాలి, లేదంటే నీ శిరస్సును ఇప్పుడే ఖండిస్తాను' అన్నాడు. ఆ సన్న్యాసి ఏమాత్రం తొణకలేదు. పెద్దగా నవ్వి 'నన్ను ఏ ఆయుధాలూ గాయపరచలేవు, ఏ అగ్నీ నన్ను దహించలేదు. నేను సచ్చిదానంద ఆత్మస్వరూపుడిని' అన్నాడు. అలెగ్జాండర్ కోపంతో 'నువ్వు నా బానిసవు, నేను చెప్పినట్లు చేయాల్సిందే!' అన్నాడు. ఆ సన్న్యాసి ఇంకా గట్టిగా నవ్వి ఇలా అన్నాడు: 'నేను నీకు బానిసనుగాను, నువ్వే నా బానిసలకు బానిసవు'. నివ్వెరపోవడం అలెగ్జాండర్ వంతయింది. ఆ సాధువు విశదీకరించాడు. 'నేను నా కామక్రోధాలను నిగ్రహించుకొన్నాను, అవి నా బానిసలు. నువ్వు కామ క్రోధాలకు బానిసవు, కనుక నా బానిసలకు బానిసవు. నువ్వు నన్నేమి చేయగలవు?' అని.

శ్రీమద్భాగవతం 11వ స్కంధం 19వ అధ్యాయంలో నిజమైన శౌర్యం లేదా పరాక్రమం గురించి చెబుతూ శ్రీకృష్ణుడు ఇదే మాట అంటాడు. శౌర్యం లేదా పరాక్రమం అంటే ఒక యుద్ధంలో గెలవడం, రాజ్యాలపై దండెత్తడం కాదు. మొత్తం ప్రపంచాన్నే జయించడం కూడా కాదు. స్వభావ విజయః శౌర్యం స్వభావాన్ని జయించడమే నిజమైన పరాక్రమం. ఏ స్వభావాన్ని జయించాలి? పశుస్వభావాన్ని జయించడమే మనిషిలోని నిజమైన పరాక్రమం. 'లోకంలో రెండు రకాల మనుషులు ఉంటారు.దైవీ స్వభావం కలవారు, ఆసురీ స్వభావం కలవారు' అని శ్రీకృష్ణుడు గీతలో చెప్పాడు. ఆ ఆసురీ స్వభావాన్ని జయించడమే నిజమైన పరాక్రమం లేదా బలం. భగవంతుడు మనిషి ఇంద్రియాలన్నిటినీ బహిర్ముఖంగా ఉండేటట్లు సృష్టించాడు.అంటుంది కఠోపనిషత్తు. ధీరుడు మాత్రమే ఇంద్రియాల మార్గాన్ని మళ్ళించి వాటిని భగవంతుడి వైపు మలుపు తిప్పగలుగుతాడు.అదే నిజమైన ధీరత్వం, నిజమైన పరాక్రమం. ఈ పనిని మనుషులు మాత్రమే చేయగలరు. దీన్ని మనం చేయలేకపోతే