കാൽമുട്ടുവരെ നീളുന്ന കൈയുള്ളവർ ഭാഗ്യശാലികൾ

സ്വഭാവം പറയുന്ന കൈയും വിരലും

-  മലയിൻകീഴ് കെ. പുരുഷോത്തമൻ

ആനയുടെ തുമ്പിക്കൈ പോലെ ഭംഗിയുള്ള, കാൽമുട്ടുവരെ നീളമുള്ള, നല്ല കൈകളുള്ളവർ ഭാഗ്യശാലികളാണ്. ധനധാന്യവർദ്ധനവ്, ജീവിതസൗഖ്യം, നേതൃപാടവം, അംഗീകാരം എന്നിവയ്ക്ക് ഇവർ അർഹരാകും. മറിച്ച് നീളം കുറഞ്ഞ കൈകളുള്ള വ്യക്തികൾ ദാരിദ്ര്യദുഃഖം അനുഭവിക്കുന്നവരായിരിക്കും. അതുപോലെ രോമങ്ങൾ നിറഞ്ഞ കൈ ആണെങ്കിൽ അതിരുവിട്ട പെരുമാറ്റവും ക്രൂരസ്വഭാവവും കാണും. ഇടയിൽ വിടവുകളില്ലാതെ പത്തു വിരലുകളുമുള്ള കൈകൾ സമ്പന്നരുടേതാണ്.

ധനം അനാവശ്യമായി ചെലവു ചെയ്യാത്തവരായിരിക്കും ഇവർ. പരന്ന വിരലുകൾ മോഷണ താത്പര്യം കാണിക്കുന്നു. അതിൽ സന്തോഷം കണ്ടെത്തുന്നവരും ആയിരിക്കും ഇവർ. വിരലുകൾ വളഞ്ഞു നിൽക്കുന്ന നിവർത്തിപ്പിടിച്ചാൽ പിന്നിലോട്ട് കൈപ്പത്തിയുള്ള വ്യക്തി സാഹിത്യത്തിൽ താല്പര്യമുള്ളവരും കലാനിപുണരും ബുദ്ധിയുള്ളവരുമായിരിക്കും. ഇവർ നല്ല വിവേകിയും ആയിരിക്കും.