అధికారంలోకి రాగానే సిఇసిపై చర్యలు

గయ సభలో రాహుల్ గాంధీ సంచలన వ్యాఖ్యలు ఓట్లచోరీ కోసమే బీహార్ ప్యాకేజీ

- 

మంగళవారం గయలో ఓ చిన్నారితో రాహుల్

న్యూఢిల్లీ, ఆగస్టు 19: ఇండియా కూటమి అధికారంలోకి వస్తే ఓట్ల చోరీ వ్యవహారంలో సిఇసి జానేశ్ కుమార్తో పాటు, మరో ఇద్దరు ఎన్నికల కమిషనర్లపై కూడా చర్యలు తీసుకుంటామని కాంగ్రెస్ అగ్రనేత రాహు ల్ గాంధీ పేర్కొన్నారు. బిహార్లో చేపట్టిన 'ఓటర్ అధికార్ యాత్ర'లో భాగంగా గయాలో నిర్వహించిన సభలో రాహుల్ ప్రసంగిస్తూ ఇసిపై కీలక వ్యాఖ్యలు చేశారు. గత ఎన్నికల్లో ఓట్ల అవకతవకల వ్యవహారం వెలుగుచూసినప్పటికీ, ఎలక్షన్ కమిషన్ తనను అఫిడవిట్ దాఖలు చేయాలని కోరుతోందని రాహుల్ విమర్శించారు. కొద్ది సమయం ఇస్తే, ప్రతి అసెంబ్లీ, లోక్సభ స్థానంలో ఇసి లోపాలను ప్రజల ముందు ఉంచుతామని, అప్పుడు వారే ఎన్నికల సంఘాన్ని అఫిడవిట్ ఇవ్వాలని అడుగుతారని రాహుల్ అన్నారు.