மரண தண்டனை கைதியின் அறிக்கை இல்லாவிட்டால் செம்மணிப் புதைகுழி இரகசியமான புதைகுழி

செம்மணி மனிதப் புதைகுழியில் ஞாயிற்றுக்கிழமை (06) அன்று இரண்டாவது கட்டத்தின் 12வது நாள் அகழ்வுப் பணிகள் முன்னெடுக்கப்பட்டன.

- 

அந்தவகையில், ஞாயிற்றுக்கிழமை (06) வரையிலும் 44 எலும்புக்கூடுகள் முற்றாக அகழ்ந்து எடுக்கப்பட்டதுடன் 47 எலும்புக்கூடுகள் இதுவரை அடையாளம் காணப்பட்டன. அவற்றில் பெரும்பாலானவை சிறுவர்களின் சடலங்களாக இருக்கின்றன. அத்துடன், குழந்தையின் உடலைச் சுற்றி ஆணிகள் அடிக்கப்பட்டதற்கான தடயங்கள் இருப்பதாகவும் செய்திகள் வெளியாகியுள்ளன.

இந்த செம்மணி விவகாரம் தொடர்பில், எமது சகோதர பத்திரிக்கையான டெயிலிமிரரின் பத்திரிகையாளர் கமந்தி விக்ரமசிங்க, கிருஷாந்தி குமாரசாமி வழக்கின் அரச சட்டத்தரணி பிரசாந்தி மஹிந்தரத்னவுடன், ஒரு பிரத்தியேக நேர்காணல் 2025 ஜூலை 3 அன்று வெளியாகியிருந்தது.

செம்மணிப் புதைகுழியில் நடைபெற்று வரும் உடல்களைத் தோண்டும் நடவடிக்கைகள் போரின் போது நடந்த கொடூரமான அட்டூழியங்களை வெளிப்படுத்துகின்றன. ஆனால், மரண தண்டனை விதிக்கப்பட்ட ஒருவரின் அறிக்கை மட்டும் இல்லாவிட்டால் இந்தப் புதைகுழி இலங்கை மண்ணில் புதைக்கப்பட்ட ஒரு ரகசியமாக இருந்திருக்கும்.

கிருஷாந்தி குமாரசாமி வழக்கில் முக்கிய குற்றவாளி 1998ஆம் ஆண்டு மரண தண்டனை விதிக்கப்பட்டபோது, செம்மணிப் புதைகுழியை வெளிப்படுத்தினார். சமீபத்தில் இந்த குற்றவாளி மற்றும் பலர் தங்கள் தண்டனையை ஆயுள் தண்டனையாக மாற்றக் கோரி தாக்கல் செய்த மனுவை உயர் நீதிமன்றம் நிராகரித்தது.

அவர்களுக்கு மரண தண்டனை நிறைவேற்றப்படாவிட்டால் அல்லது அவர்களின் மரண தண்டனையை ஆயுள் தண்டனையாக மாற்றினால் அவர்களுக்கு ஜனாதிபதி மன்னிப்பு வழங்கப் பரிசீலிக்கப்பட வேண்டும் என்று அவர்கள் வாதிட்டனர்.

குற்றத்தின் கொடூரத்தையும் பாலியல் வன்கொடுமை மற்றும் கொலைக் குற்றவாளிகளைத் தண்டிக்க புலனாய்வாளர்கள் சாட்சியங்களைக் கண்டுபிடித்தனர் என்பதையும் இந்த நேர்காணலின் போது, அவர் எடுத்துரைத்தார். பாலியல் வன்கொடுமையைப் போர் ஆயுதமாகப் பயன்படுத்திய சம்பவங்களில் ஒன்றாக இது இருந்ததால் குற்றவாளிகள் மீது பாலியல் வன்கொடுமை குற்றச்சாட்டை முன்வைப்பதில் சட்டத்தரணிர்கள் உறுதியாக இருந்தனர்.

ஆரம்ப அறிக்கைகள்