எரிபொருள்களின் விலைகள் அதிகரித்தாலும் “போக்குவரத்து கட்டணங்கள் அதிகரிக்காது”

டீசல்- 289 ரூபாய், மண்ணெண்ணெய்-185 ரூபாய் பெற்றோல்-305 ரூபாய்

- 

எரிபொருள்களின் விலைகள் அதிகரிக்கப்பட்டதை அடுத்து, போக்குவரத்து கட்டணங்களில் எவ்விதமான மாற்றங்களும் செய்யப்படமாட்டாது என, பொதுப் போக்குவரத்தில் ஈடுபடும் சங்கங்கள் அறிவித்துள்ளன.

இலங்கை தனியார் பஸ்களின் கட்டணங்கள், ஓட்டோக்களின் கட்டணங்கள், பாடசாலை வேன்கள் மற்றும் பஸ்களின் கட்டணங்கள் அதிகரிக்கப்படாது என அந்தந்த போக்குவரத்து சங்கங்கள் அறிவித்துள்ளன.

செவ்வாய்க்கிழமை (01) திட்டமிடப்பட்ட பேருந்து கட்டண திருத்தம் பரிசீலிக்கப்படும் என போக்குவரத்து அமைச்சர் பிமல் ரத்தாயக்க உறுதியளித்துள்ளார்.

பேருந்து கட்டண திருத்தம் தொடர்பில் அமைச்சர் பிமல் ரத்தாயக்க கூறியுள்ளதாவது, அறிவிக்கப்பட்ட எரிபொருள் விலை அதிகரிப்பைத் தொடர்ந்து, திட்டமிடப்பட்ட பேருந்து கட்டண திருத்தம் குறித்து பரிசீலிக்கப்படும் என்று கூறினார்.

புதிய கட்டணங்கள் அங்கீகரிக்கப்பட்ட எரிபொருள் விலை திருத்த சூத்திரத்தைப் பயன்படுத்தி கணக்கிடப்பட்டன.

எரிபொருள் விலை சூத்திரத்தைப் பயன்படுத்திய பிறகும், இந்த நேரத்தில் பேருந்து கட்டணங்களை திருத்த வேண்டிய அவசியமில்லை.