முலைகளும் சமூக மாயமாக்கலும்

உலகிலுள்ள ஒவ்வொரு தாய் தந்தையரும் தங்களுடைய பிள்ளைகள், வாழும் சமூகத்தில் மிக உயர்ந்தவர்களாக வரவேண்டும் என்று நினைப்பதுண்டு. அதேபோல, தம்மால் அடைய முடியாத வெற்றிகளை தம்முடைய குழந்தைகள் மூலமாக அடைய நினைப்பதும் வழக்கமாக உள்ளது. இதற்கான வாய்ப்பினை வழங்கும் முதல் களமாகப் பாலர் பாடசாலைகள் காணப்படுகின்றன.

- நனுஷிகா

ஆரம்பப் பிள்ளைப் பருவப் பாடசாலையானது நியம வரன்முறையான பாடசாலை அல்ல. அது இயற்கைக்கூடம், அழகியல் மாடம், சிறுவர் விளையாட்டுத்திடல், மகிழ்ச்சியோடு ஓடி விளையாட வாருங்கள் எனப்பிள்ளைகளை அழைப்பது போல அவை இருத்தல் வேண்டும்.

இப் பாடசாலைகள் பிள்ளைகளுக்கு மகிழ்ச்சியாகவும், சுதந்திரமாகவும் செயற்பாட்டுடன் கூடிய அனுபவங்களைப் பெற்றுக் கொடுப்பதுடன், நற்பண்பு, நல்லொழுக்கம் போன்ற நடத்தைக் கோலத்தைக் கட்டியெழுப்புதல், உடல் விருத்திக்கு வேண்டிய சந்தர்ப்பத்தினை வழங்கல், அறிவு ஆற்றலை விருத்தி செய்தல், தன்னம்பிக்கையை ஏற்படுத்தல், நற்சுகாதார பழக்கங்களை ஏற்படுத்தல், தினசரிக் கடமைகளை ஒழுங்காகச் செய்யும் திறனை விருத்தி செய்தல், பிள்ளையைச் சூழலுக்கு ஏற்ப இயைபுபடுத்துவதற்கு உதவுல் எனும் சமூக மயமாக்கல் செயற்பாடுகளில் பாரிய பங்காற்றுகின்றன. இதன்படி குழந்தைகள் தனிநபராக மட்டும் இல்லாமல், சமூகத்தில் ஓர் அங்கமாக தங்களை உணர்வதையும், சமூகத்துடன் இணைந்து செயல்படக் கற்றுக் கொள்வதையும் சமூக மயமாக்கல் என்பர்.

பாலர் கல்விக்கான பாடசாலைகளில், குழந்தைகள் அனுபவத்தின் மூலம் கற்றுக்கொள்ளும் வகையில் அமைக்கப்பட்ட இடங்களை 'மூலைகள்' என்கிறோம்.

உதாரணமாக, விளையாட்டு மூலை - கட்டடம், பொம்மைகள், வண்டிகள்.

வாசிப்பு மூலை-சிறுவர் புத்தகங்கள், படங்களுடன் கூடிய கதைகள்.

கலை மூலை-வரைவதற்கான பொருட்கள், வண்ணங்கள், மடிப்பு வேலை விழிப்புணர்வு மூலை-சமூக விழிப்புணர்வு விளக்கங்கள் (சுத்தம், நட்பு, பாதுகாப்பு) என்பனவற்றைக் குறிப்பிடலாம்.

இந்த மூலைகள் குழந்தைகளுக்கு நினைவாற்றல், மற்றவர்களை மதித்தல், பகிர்வு, ஒத்துழைப்பு போன்ற சமூகநலன்களை வளர்க்கின்றன.

உதாரணமாக, பிள்ளைகள் குழுவாக விளையாடும்போது, சமூகத் தொடர்புகள் வளர்கின்றன. ஆசிரியர் வழிகாட்டுதலுடன், குழந்தைகள் சமூக ஒழுங்கு, எதிர்பார்ப்பு, ஒழுக்கம் போன்றவற்றை உணரக்கூடிய சூழல் அமைகிறது. பாலர் பாடசாலை மூலைகள், குழந்தைகளின் சமூக மயமாக்கலில் முக்கிய பங்கு வகிக்கின்றன. அறிவு வளர்ச்சியுடன் சமூக உறவுகளும் வலுப்பெறும்.