સાબરમતી રેલવે સ્ટેશન પરથી ૯.૫૦ લાખનું MD ડ્રગ્સ ઝડપાયું

ANTFતી કાર્યવાહીમાં એક આરોપી ઝડપાયો, વોન્ટેડ સાગરીતની શોધખોળ તેજ

- 

ગુજરાતમાં નશાના કારોબાર સામે એન્ટી નાર્કોટિક્સ ટાસ્ક ફોર્સ (એએનટીએફ) દ્વારા સતત કાર્યવાહી કરવામાં આવી રહી છે. અમદાવાદ ઝોનની એએનટીએફની ટીમે સાબરમતી રેલવે સ્ટેશન નજીકથી મેફેડ્રોન (એમડી) ડ્રગ્સના જથ્થા સાથે એક આરોપીની ધરપકડ કરીને વધુ એક ડ્રગ્સ નેટવર્કનો પર્દાફાશ કર્યો છે.

મળતી માહિતી મુજબ એએનટીએફને બાતમી મળી હતી કે એક શખ્સ સાબરમતી રેલવે સ્ટેશન વિસ્તારમાં એમડી ડ્રગ્સનો જથ્થો લઈને આવવાનો છે. બાતમીના આધારે પોલીસે વોચ ગોઠવી હતી. દરમિયાન સ્ટેશનના ગેટ પાસે શંકાસ્પદ હલચલ કરતા પ્રકાશ બિશ્નોઈ નામના શખ્સને રોકી તેની તલાશી લેવામાં આવી હતી.