અદ્ભુત આવકારઃ ફ્લાવર શોની પહેલા દિવસની આવક રૂ. ૪૩ લાખે પહોંચી

૪૩ હજાર ટિકિટનું વેચાણ થયું, જેમાં બાળકો સાથે બાવન હજારથી વધુ લોકો આવ્યા

- 

સાબરમતી રિવરફ્રન્ટ પર યોજાતો ફ્લાવર શો અમદાવાદ મ્યુનિસિપલ કોર્પોરેશન માટે કમાઉ દીકરો સાબિત થયો છે. ગઈ કાલે મુખ્યપ્રધાન ભૂપેન્દ્ર પટેલ દ્વારા ફ્લાવર શોને જાહેર જનતા માટે ખુલ્લો મુકાયો હતો. જેમાં પહેલા જ દિવસે ૫૨ હજાર લોકોએ મુલાકાત લીધી હતી. પ૨ હજાર પૈકી ૪૩ હજાર લોકોએ ટિકિટ ખરીદી હતી, જેની આવક ૪૩ લાખ રૂપિયા થઈ છે. દિવસે ને દિવસે ફ્લાવર શોમાં લોકોની સંખ્યામાં વધારો થાય તેવી શક્યતા છે. તો બીજી તરફ વીકએન્ડ પર લોકોનું કીડિયારું ફ્લાવર શોમાં ઊભરાય તેવી શક્યતા છે.