વટવામાં કમ્પાઉન્ડ વોલ સહિતનાં દબાણો હટાવી બે ટીપી રોડ ખુલ્લા કરવામાં આવ્યા

દક્ષિણ ઝોનમાં આગામી દિવસોમાં પણ દબાણો દૂર કરવાની સ્પેશિયલ ડ્રાઇવ જારી રહેશે

- 

અમદાવાદ શહેરને કોમનવેલ્થ ગેમ્સ-૨૦૩૦ની યજમાની મળી છે ત્યારે આંતરરાષ્ટ્રીય સ્તરે પણ આપણું શહેર સ્વચ્છતાથી લઈને દરેક બાબતે ચમકી ઊઠે તે માટે મ્યુનિસિપલ કોર્પોરેશનના સત્તાધીશો અત્યારથી જ કાળજી લઈ રહ્યા છે.

ખાસ કરીને હાલ વર્ષોજૂનાં દબાણો હટાવીને ટીપી રોડ ખોલવાની સ્પેશિયલ ડ્રાઇવ હાથ ધરાઈ છે. શહેરના દક્ષિણ ઝોનમાં આવેલા વટવામાં કમ્પાઉન્ડ વોલ સહિતનાં કેટલાંયે દબાણો હટાવીને બે ટીપી રોડ ખુલ્લા કરવામાં આવ્યા છે.