Heart Drive Projek: Nege jaar van hoop en hulp in nood

Wanneer dit goed gaan, vergeet 'n mens maklik van die swaar tye en van dié wat steeds stry.

- Maretha Swanepoel

Mariza Pelser, stigter van die Heart Drive Projek.

Die Heart Drive Projek is een van daardie projekte wat gebore is uit nood en wat, nege jaar later, steeds help waar dit nodig is.Mariza Pelser, stigter van die projek, sê dit het toevallig die lig gesien. "'n Vrou het babaklere benodig en iemand het my gevra of ek kan help. My eie kinders se klere was nog in my kas, en ek het besluit om dit te gee. Aangesien babas vinnig uit hulle klere uitgroei en dit bykans niks makeer nie, het ek gevra dat die mamma dit weer vir my teruggee wanneer haar baba uit dit uitgegroei het. Dit was 'n behoefte waarvoor ek 'n maklike oplossing gehad het."