ആർബിഐ സാമ്പത്തിക സ്ഥിരത റിപ്പോർട്ട്: ബാങ്കുകളുടെ ആസ്തി നിലവാരം മെച്ചപ്പെട്ടു

ജിഎൻപിഎ 6 വർഷത്തെ ഏറ്റവും താഴ്ന്ന നിലയിൽ

ന്യൂഡൽഹി: നിയന്ത്രണങ്ങളിലെ ഇളവ് കോവിഡ് 19 മഹാമാരി സൃഷ്ടിച്ച പ്രതിസന്ധി മറികടക്കാൻ രാജ്യത്തെ ബാങ്കുകളെ സഹായിച്ചുവെന്ന് റിസർവ് ബാങ്ക് ഓഫ് ഇന്ത്യ അതിന്റെ സാമ്പത്തിക സ്ഥിരത റിപ്പോർട്ടിൽ പറഞ്ഞു. ഇതോടെ ആസ്തി നിലവാരം മെച്ചപ്പെടുത്താൻ ബാങ്കുകൾക്കായി. ഷെഡ്യൂൾഡ് വാണിജ്യ ബാങ്കുകളുടെ മൊത്ത നിഷ്ക്രിയ ആസ്തി (ജിഎൻപിഎ) തോത് 2022 മാർച്ചിൽ ആറ് വർഷത്തെ ഏ റ്റവും താഴ്ന്ന നിരക്കായ 5.9 ശതമാനമായി.

2021 മാർച്ചിൽ തോത് 7.4 ശതമാനമായിരുന്നു. 2022 സാമ്പത്തിക വർഷത്തിലെ അറ്റ് നിഷ്ക്രിയ ആസ്തി (എൻഎൻപിഎ) അനുപാതം 70 ബേസിസ് പോയിന്റ് ഇടിഞ്ഞ്, മാർച്ച് അവസാനത്തോടെ 1.7 ശതമാനമായി. ജിഎൻപി എ 2023 മാർച്ചിൽ 5.3 ശതമാനമായി മെച്ചപ്പെടുമെന്ന് അനുമാനവും കേന്ദ്രബാങ്ക് പങ്കുവച്ചു.