സാമ്പത്തികവളർച്ചയ്ക്കു മുതൽക്കൂട്ടാകുമെന്ന് റിപ്പോർട്ട്

ജിഎസ്ടി പരിഷ്കരണം

- 

മുംബൈ: പ്രധാനമന്ത്രി നരേന്ദ്ര മോദി സ്വാതന്ത്ര്യ ദിനത്തിൽ പ്രഖ്യാപിച്ച ചരക്ക് സേവന നികുതി പരിഷ്കരണം സാമ്പത്തിക വളർച്ചയ്ക്കു മുതൽക്കൂട്ടാകുമെന്ന് റിസർച്ച് ഏജൻസികൾ. നികുതിപരിഷ്കരണം 2.4 ലക്ഷം കോടി രൂപയുടെ അധിക ഉപഭോഗം കൊണ്ടു വരുമെന്നാണ് പ്രതീക്ഷ. ഇതുവഴി രാജ്യത്തെ സാമ്പത്തിക പ്രവർത്തനങ്ങളുയരും. കൂടുതൽ തൊഴിലവസരങ്ങളുമുണ്ടാകും. വളർച്ചയിൽ 0.50 ശതമാനം മുതൽ 0.70 ശതമാനം വരെ വർധനയാണ് വിവിധ ഏജൻസികൾ പ്രതീക്ഷിക്കുന്നത്. അമേരിക്കയുടെ അധികത്തീരുവ വഴി കയറ്റുമതി കുറയുമ്പോഴുണ്ടാകുന്ന ഇടിവിനെക്കാൾ കൂടുതൽ വളർച്ച ജിഎസ്ടി പരിഷ്കരണം വഴി ഉണ്ടാകുമെന്നും വിവിധ ഏജൻസികൾ സൂചിപ്പിക്കുന്നു.