ராணுவத்துக்கு எதிரான கருத்து: ராகுலுக்கு உச்சநீதிமன்றம் கண்டிப்பு

உண்மையான இந்தியர் இதுபோன்ற கருத்தை தெரிவிக்க மாட்டார் என்று ராணுவத்துக்கு எதிராக எதிர்க்கட்சித் தலைவர் ராகுல் காந்தி தெரிவித்த கருத்தைச் சுட்டிக்காட்டி உச்சநீதிமன்றம் திங்கள்கிழமை கண்டித்தது.

- 

புது தில்லி, ஆக.4: 'உண்மையான இந்தியர் இதுபோன்ற கருத்தை தெரிவிக்க மாட்டார்' என்று ராணுவத்துக்கு எதிராக எதிர்க்கட்சித் தலைவர் ராகுல் காந்தி தெரிவித்த கருத்தைச் சுட்டிக்காட்டி உச்சநீதிமன்றம் திங்கள்கிழமை கண்டித்தது.

அதேநேரம், இந்த அவதூறு வழக்கில் மாவட்ட நீதிமன்றம் ராகுலுக்கு எதிரான விசாரணை நடவடிக்கைகளைத் தொடங்கவும் இடைக்காலத் தடை விதித்தும் உச்சநீதிமன்றம் உத்தரவிட்டது.

கடந்த 2022-ஆம் ஆண்டு கன்னியாகுமரி முதல் காஷ்மீர் வரை பாரத ஒற்றுமை நடைப்பயணத்தை ராகுல் காந்தி மேற்கொண்டார். அப்போது பேசிய அவர், 'இந்தியாவின் 2,000 சதுர கி.மீ. பரப்பளவு நிலத்தை சீனா ஆக்கிரமித்துள்ளதாகவும், அருணாச்சல பிரதேசத்தில் இந்திய வீரர்களை சீன ராணுவம் தாக்குவதாகவும் குற்றஞ்சாட்டினார்.