ஹரித்வார் கோயிலில் கூட்ட நெரிசல்: 6 பக்தர்கள் உயிரிழப்பு

உத்தரகாண்ட் மாநிலம், ஹரித்வாரில் உள்ள பிரசித்தி பெற்ற மனசா தேவி மலைக் கோயிலில் ஞாயிற்றுக்கிழமை ஏற்பட்ட கூட்ட நெரிசலில் சிறுவன் உள்பட 6 பக்தர்கள் உயிரிழந்தனர்.

- 

ஹரித்வார், ஜூலை 27: மேலும் 28 பேர் காயமடைந்தனர்.

ஹரித்வாரில் 500 அடிக்கும் மேற்பட்ட உயரத்தில் சிவாலிக் மலை உச்சியில் மனசா தேவி கோயில் அமைந்துள்ளது. ஹரித்வாரின் 5 புண்ணியத் தலங்களில் ஒன்றான இக்கோயிலில் ஷ்ரவண புனித மாதத்தையொட்டி ஞாயிற்றுக்கிழமை தரிசனம் மேற்கொள்வதற்காக ஏராளமான பக்தர்கள் திரண்டனர்.

கோயிலுக்குச் செல்லும் குறுகிய படிக்கட்டுகளில் பக்தர்கள் கூட்டம் அலைமோதியது. அப்போது, படிக்கட்டு தொடங்கும் இடத்தில் அறுந்து கிடந்த வயர்களில் இருந்து மின்சாரம் கசிந்ததாக வதந்தி பரவியது. பக்தர்கள் பீதியடைந்து முண்டியடித்ததால் கடும் நெரிசல் ஏற்பட்டது.