நீர்வளத்துறை அரசு முதன்மை செயலாளர் ஆய்வு

மயிலாடுதுறை, மே 24: குத்தாலம் வட்டம் கத்திரிமூலை கிராமத்தில் பழையபல்லவன் வாய்க்கால் தூர்வாரும் பணிகளை நீர்வளத்துறை அரசு முதன்மை செயலாளர் ஜெ. ஜெயகாந்தன் சனிக்கிழமை ஆய்வு செய்தார்.

- 

அப்போது அவர் செய்தியாளர்களிடம் கூறியது: 12 டெல்டா மாவட்டங்களில் 5,021 கி.மீ. தொலைவுக்கு கால்வாய்கள் தூர்வாரும் பணிகள் நடைபெறுகின்றன. ரூ. 98 கோடியில் பணிகள் நடைபெறுகின்றன. 3,700 கி.மீ. பணிகள் வெள்ளிக்கிழமை வரை நிறைவடைந்துள்ளன.

எஞ்சியுள்ள பணிகள் ஒரு வாரத்தில் முடிக்க திட்டமிடப்பட்டு பணிகள் நடைபெறுகின்றன. கடைமடை பகுதிகளுக்கு தடையின்றி நீர் செல்ல நடவடிக்கை எடுக்கப்பட்டுள்ளது.