பஹல்காம் தாக்குதலின்போது குஜராத் சுற்றுலாப் பயணி எடுத்த விடியோ

ஜம்மு-காஷ்மீரின் பஹல்காம் அருகேயுள்ள பைசாரன் பள்ளத்தாக்கில், ஜிப்லைனில் பயணித்தவாறு அகமதாபாத்தைச் சேர்ந்த சுற்றுலாப் பயணி ரிஷி பட் பயங்கரவாதத் தாக்குதலை தற்செயலாக எடுத்த விடியோ வெளியாகி பரபரப்பை ஏற்படுத்தியுள்ளது.

- 

புது தில்லி, ஏப். 29:

ஜிப்லைன் என்பது மிக உயரத்தில் தொங்குகயிற்றில் சறுக்கியவாறு செல்லும் சாகசமாகும். சமூக ஊடகங்களில் அதிக அளவில் பகிரப்பட்டு வரும் இந்த 53 விநாடி விடியோவில், பயங்கரவாதத் தாக்குதல் நடைபெறுவதை அறியாமல் ரிஷி பட், ஜிப்லைனில் தொடர்ந்து பதற்றமின்றி பயணிக்கிறார்.

விடியோவின் பின்னணியில் பயங்கரவாதிகளின் துப்பாக்கிச் சூட்டில் ஒருவர் குண்டு பாய்ந்து கீழே விழுவதும், தாக்குதலில் இருந்து தப்பிக்க மக்கள் மறைவிடத்தைத் தேடி ஓடுவதும் பதிவாகியுள்ளது.