பழுதாகி நின்ற ராட்டினம்: 150 அடி உயரத்தில் தவித்த 36 பேர் மீட்பு

சென்னை அருகே ஈஞ்சம்பாக்கத்தில் தனியார் பொழுதுபோக்கு பூங்காவில் 150 அடி உயரத்தில் ராட்டினம் திடீரென பழுதாகி நின்றதால், அதில் இருந்த குழந்தைகள், பெண்கள் உள்பட 36 பேர் 3 மணி நேரம் அந்தரத்தில் சிக்கித் தவித்தனர்.

- 

சென்னை, மே 27: அவர்களை 'ஸ்கை லிப்ட்' வாகனம் மூலம் தீயணைப்பு வீரர்கள் பாதுகாப்பாக மீட்டனர்.

சென்னை ஈஞ்சம்பாக்கம் கிழக்கு கடற்கரைச் சாலையில் தனியார் பொழுதுபோக்கு பூங்கா செயல்படுகிறது. இங்குள்ள டாப் கன் என்ற ராட்டினத்தில் மாலை 6 மணியளவில் 8 குழந்தைகள், 10 பெண்கள் உள்பட 36 பேர் ஏறினர். கீழே இருந்து மேலே செங்குத்தாக சென்று அதே வேகத்தில் கீழே இறங்கும் இந்த ராட்டினம், சுமார் 150 அடி உயரத்தில் சென்றபோது, திடீரென பயங்கர சப்தத்துடன் அப்படியே நின்றது. இதனால் அந்த ராட்டினத்தில் இருந்த 36 பேரும் அதிர்ச்சியடைந்தனர். உடனே கீழே இருந்த பொழுதுபோக்கு பூங்கா ஊழியர்கள், அந்த ராட்டினத்தில் ஏற்பட்டிருந்த தொழில்நுட்பக் கோளாறை சரி செய்ய முயன்றனர்.