சீனாவில் இருந்து உர இறக்குமதி கடும் சரிவு

சீனாவின் ஒழுங்காற்று முறை கட்டுப்பாடுகளால், அந்நாட்டில் இருந்து உர இறக்குமதி கடும் சரிவை சந்தித்துள்ளது; சீனா மட்டுமன்றி பெல்ஜியம், ஜெர்மனி, அமெரிக்கா உள்ளிட்ட நாடுகளில் இருந்தும் கணிசமான அளவில் உரம் இறக்குமதி செய்யப்படுகிறது என்று மக்களவையில் மத்திய அரசு தெரிவித்துள்ளது.

- 

புது தில்லி, ஆக. 1:

இந்தியாவில் யூரியாவுக்கு அடுத்து அதிக தேவையுள்ள உரம் டிஏபி (டை அமோனியம் பாஸ்பேட்). இந்த உர விநியோகத்தில் உலக அளவில் சீனா முன்னணியில் உள்ளது. இந்தியா தனது உரத் தேவைக்கு சீன இறக்குமதியை பெருமளவில் சார்ந்துள்ளது. இந்தச் சூழலில், டிஏபி உள்ளிட்ட உரங்களின் ஏற்றுமதியில் அந்நாட்டின் கூடுதல் கட்டுப்பாடுகளால் இந்திய இறக்குமதி சரிந்துள்ளது. சீனாவின் இந்த நடவடிக்கை, இந்தியாவுக்கு எதிரான வியூகமாகப் பார்க்கப்படுகிறது.