வெம்பூர் சிப்காட் தொழிற்பூங்கா: கருத்து கேட்பு கூட்டத்தில் விவசாயிகள் கடும் எதிர்ப்பு

எட்டயபுரம் வட்டம் வெம்பூர் பகுதியில் அமைய உள்ள சிப்காட் தொழிற்பூங்காவுக்காக 2,700 ஏக்கர் நிலங்களை கையகப்படுத்துவதற்காக எட்டயபுரத்தில் மாவட்ட வருவாய் அலுவலர் தலைமையில் வெள்ளிக்கிழமை நடைபெற்ற கருத்து கேட்பு கூட்டத்தில் விவசாயிகள், பொதுமக்கள் கடும் எதிர்ப்பு தெரிவித்தனர்.

- 

விளாத்திகுளம், பிப். 28:

வெம்பூர் பகுதியில் சிப்காட் தொழிற்பூங்காவுக்கு விவசாய நிலங்களை கையகப்படுத்த அண்மையில் தமிழ்நாடு அரசின் சார்பில் அறிவிப்பு வெளியிடப்பட்டுள்ளது. இதன் காரணமாக வெம்பூர், மேலக்கரந்தை, கீழக்கரந்தை, பட்டித்தேவன்பட்டி, ராமசாமிபுரம் உள்ளிட்ட கிராமங்களில் விவசாய நிலங்களும் விவசாயிகள் வாழ்வாதாரமும் பாதிக்கும் நிலை ஏற்பட்டுள்ளது.