உலகிற்கு வழிகாட்டும் விஸ்வ குருவாக திகழ்கிறது இந்தியா

விழுப்புரம், ஜூன் 5: உலகுக்கு வழிகாட்டும் விஸ்வகுருவாக இந்தியா திகழ்கிறது என்று தமிழக ஆளுநரும், ஆரோவில் அறக்கட்டளை நிர்வாகக் குழுத் தலைவருமான ஆர்.வி. ஆர்லேகர் தெரிவித்தார்.

- 

விழுப்புரம் மாவட்டம், ஆரோவில் சர்வதேச நகருக்கு தமிழக ஆளுநர் ஆர்லேகர் வெள்ளிக்கிழமை வந்தார்.

அவருக்கு ஆரோவில் அறக்கட்டளைச் செயலரும், குஜராத் மாநில கூடுதல் தலைமைச் செயலருமான ஜெயந்தி எஸ். ரவி மற்றும் அறக்கட்டளை நிர்வாகக் குழுவினர் வரவேற்பளித்தனர்.

இதைத் தொடர்ந்து, அங்குள்ள பாரத் நிவாஸில் நடைபெற்ற ஆரோவில் சர்வதேச நகரில் நடைபெறும் வளர்ச்சிப் பணிகள் குறித்த புகைப்படக் கண்காட்சியைப் பார்வையிட்ட அவர், மாத்திர் மந்திருக்குச் சென்று தியானம் மேற்கொண்டார்.

பின்னர், யுனிட்டி பெவிலியனுக்குச் சென்ற ஆளுநர் ஆர்லேகர் ஆரோவில் சர்வதேச நகரின் வளர்ச்சிப் பணிக் குழுவினரை சந்தித்துப் பேசினார். அப்போது, ஆரோவில் சர்வதேச நகரில் நடைபெற்று வரும் வளர்ச்சித் திட்டப் பணிகள், அதன் முன்னேற்றங்கள் குறித்து கேட்டறிந்தார்.