விவசாயத்தை பாழாக்கும் திட்டத்தை செயல்படுத்தக் கூடாது

தவாக தலைவர் தி. வேல்முருகன் வலியுறுத்தல்

- 

திருவாரூர், மே 25: விவசாய நிலங்களை பாழ்படுத்தும் எந்த திட்டத்தையும் மத்திய அரசு செயல்படுத்தக் கூடாது என தமிழக வாழ்வுரிமைக் கட்சித் தலைவர் தி. வேல்முருகன் வலியுறுத்தினார்.

திருவாரூரில் செய்தியாளர்களிடம் அவர் ஞாயிற்றுக்கிழமை தெரிவித்தது:

விவசாய நிலங்களை பாழ்படுத்துகிற எந்த ஒரு திட்டத்தையும் மத்திய அரசு செயல்படுத்தக் கூடாது. காற்று, நீர் மாசுபடாமல், விவசாயம் சார்ந்த தொழில்களும், விவசாயிகளை ஊக்கப்படுத்தும் விதமாக, அவர்கள் உற்பத்தி செய்யக் கூடிய விளைபொருள்களுக்கு நியாயமான விலை கிடைப்பதை உறுதி செய்யும் தொழிற்சாலைகளும் அமைக்கப்பட வேண்டும்.