சமூக ஊடக சுய கட்டுப்பாடு

பயன்பாட்டாளர்களுக்கு உச்சநீதிமன்றம் அறிவுரை

- 

புது தில்லி, ஜூலை 14: கருத்துச் சுதந்திரத்தின் மதிப்பை பயன்பாட்டாளர்கள் அறிந்து, சுய கட்டுப்பாட்டுடன் சமூக ஊடகப் பதிவுகளை வெளியிட வேண்டும் என்று உச்சநீதிமன்றம் திங்கள்கிழமை அறிவுறுத்தியது.

ஹிந்து கடவுள் குறித்து தனது எக்ஸ் பக்கத்தில் சர்ச்சைக்குரிய வகையில் பதிவிட்டதற்காக தன் மீது கைது நடவடிக்கை மேற்கொள்ளப்பட்டதை எதிர்த்து வஜஹத் கான் என்பவர் தாக்கல் செய்த மனுவை விசாரித்தபோது உச்சநீதிமன்றம் இக் கருத்தைத் தெரிவித்தது.

மேற்கு வங்கம் மாநிலத்தைச் சேர்ந்த அவரை, கொல்கத்தா போலீஸார் கடந்த ஜூன் 9-ஆம் தேதி கைது செய்து, முதல் தகவல் அறிக்கை (எஃப்ஐஆர்) பதிவு செய்தனர். இந்த சர்ச்சை பதிவுக்காக அஸ்ஸாம், மகாராஷ்டிரம், ஹரியாணா மாநிலங்களிலும் இவருக்கு எதிராக வழக்குகள் பதிவு செய்யப்பட்டன.