விலை உச்சம் தொட்டாலும் தங்க நகை வாங்க மக்கள் ஆர்வம்!

தமிழகத்தில் தங்கம் விலை எப்போதும் இல்லாத வகையில் உயர்ந்து வரும் போதும், அக்ஷய திருதியைக்கு (ஏப்.30) நகை வாங்க பலரும் ஆர்வமுடன் முன்பதிவு செய்து வருவதாக நகைக்கடை உரிமையாளர்கள் தெரிவித்தனர்.

- 

சென்னை, ஏப்.27:

மகாபாரதத்தில் கிருஷ்ண பகவான் திரௌபதிக்கு அக்ஷய பாத்திரம் ஒன்றைக் கொடுப்பார். அந்த அக்ஷய பாத்திரத்தில் எந்தப் பொருளை இட்டாலும் அது பெருகிக் கொண்டே இருக்கும். அந்த பாத்திரத்தை கொடுத்த நாளே அக்ஷய திருதியையாகக் கொண்டாடப்படுகிறது. இந்நாளில், தங்கம், வெள்ளி போன்ற ஆபரணங்களை வாங்கி வீட்டில் வைப்பதன் மூலம் வீட்டில் செல்வம் பெருகும் என்பது ஐதீகம்.

நிகழாண்டில் அக்ஷய திருதியை ஏப்.30-ஆம் தேதி கொண்டாடப்படவுள்ளது. இதற்கிடையே, முன்னெப்போதும் இல்லாத அளவுக்கு நிகழாண்டில் தங்கம் விலை நாளுக்கு நாள் உயர்ந்து புதிய உச்சத்தைத் தொட்டு வருகிறது.