ஐபிஎல் பௌலர்களின் புலம்பல்கள்

எந்தக் குறையும் இன்றி வழக்கமான உற்சாகத்துடனும், ஆரவாரத்துடனும் தொடங்கியுள்ளது ஐபிஎல் கிரிக்கெட் போட்டி. தொடக்க விழா முதல் இதுவரை நடந்து முடிந்துள்ள ஆட்டங்கள் வரை பார்வையாளர்களின் எண்ணிக்கை முன்னெப்போதும் இல்லாத அளவுக்கு சாதனை படைத்துள்ளதாக ஒளிபரப்பு செய்யும் கைப்பேசி செயலி நிறுவனமும், தொலைக்காட்சி சேனல்களும் அறிவித்துள்ளன.

- சு.வெங்கடேஸ்வரன்

எந்தக் குறையும் இன்றி வழக்கமான உற்சாகத்துடனும், ஆரவாரத்துடனும் தொடங்கியுள்ளது ஐபிஎல் கிரிக்கெட் போட்டி. தொடக்க விழா முதல் இதுவரை நடந்து முடிந்துள்ள ஆட்டங்கள் வரை பார்வையாளர்களின் எண்ணிக்கை முன்னெப்போதும் இல்லாத அளவுக்கு சாதனை படைத்துள்ளதாக ஒளிபரப்பு செய்யும் கைப்பேசி செயலி நிறுவனமும், தொலைக்காட்சி சேனல்களும் அறிவித்துள்ளன. அதிலும் பிரபல அணிகளான சென்னை சூப்பர் கிங்ஸ் - மும்பை இண்டியன்ஸ் இடையிலான ஆட்டத்தில் மட்டும் பார்வையாளர்கள் எண்ணிக்கை 39 சதவீதம் அதிகரித்துள்ளதாக தெரிவிக்கப்பட்டுள்ளது.

இது ஐபிஎல் போட்டியின் முக்கிய வருவாய் ஆதாரமான விளம்பரதாரர்களை மேலும் ஈர்க்கும். ஐபிஎல் நிர்வாகத்துக்கு வருமானம் மேலும் பல கோடிகளில் கொட்டும். அணிகளின் மதிப்பு உயர்வதால் உரிமையாளர்கள் போட்ட பணம் பல மடங்கு பெருகும். எனவே, ஐபிஎல் போட்டியால் முதலீடு அதிகரித்து, வேலைவாய்ப்பு உயர்ந்து, பொருளாதாரம் புத்துணர்வு பெறும் என்று அரசியல்வாதிகள் யாராவது கூறினாலும் வியப்படைவதற்கில்லை.

வழக்கமாக ஐபிஎல் போட்டி நடைபெறும்போது சமூக ஊடகங்களில், டான் பிராட்மேன் காலத்தில் இருந்தே கிரிக்கெட் பார்த்து வருவதாக கூறிக் கொள்ளும் பழைய ரசிகர்களின் புலம்பல்களும் அதிகரிக்கும். 'இதெல்லாம் ஒரு கிரிக்கெட்டா, அந்த காலத்தில் விளையாடிய 5 நாள் டெஸ்ட் மேட்ச் போல வருமா' என்று புலம்புவதுடன், 'டி 20 வந்த பிறகு கிரிக்கெட், கிரிக்கெட்டாகவே இல்லை' என குறைபட்டுக் கொள்வார்கள்.

ராகுள் திராவிட் கூட இந்திய கிரிக்கெட் அணியின் பயிற்சியாளர் என்பதில் இருந்துதான் தெரியும் என்றுகூறும் இன்றைய 'ஆல்பா' தலைமுறையினரிடம் டெஸ்ட் கிரிக்கெட்டின் புகழைப் பாடினால் 'பூமர் அங்கிள்' என்ற பட்டம் மட்டுமே மிஞ்சும்.