எட்ஜ்பாஸ்டன் ) இந்தியா சாதனை வெற்றி

58 ஆண்டுகள் காத்திருப்பு முடிவு

- 

எட்ஜ்பாஸ்டன், ஜூலை 6: இங்கிலாந்துக்கு எதிரான இரண்டாவது டெஸ்ட் ஆட்டத்தில் 336 ரன்கள் வித்தியாசத்தில் அபார வெற்றி பெற்றது இந்திய அணி. மேலும் எட்ஜ்பாஸ்டன் மைதானத்தில் இந்திய அணி முதல்முறையாக வென்று சாதனை புரிந்துள்ளது.

உலக டெஸ்ட் சாம்பியன்ஷிப் போட்டியின் ஒரு பகுதியாக இரு அணிகளுக்கு இடையே 5 ஆட்டங்கள் தொடர் இங்கிலாந்தில் நடைபெறுகிறது. முதல் ஆட்டத்தில் இங்கிலாந்து வெற்றி பெற்று 1-0 என முன்னிலை பெற்றிருந்தது.

இந்நிலையில் இரண்டாவது டெஸ்ட் எட்ஜ்பாஸ்டன் மைதானத்தில் நடைபெற்றது.

இந்தியா 587/10, இங்கிலாந்து 407/10: முதல் இன்னிங்ஸில் இந்திய அணி 151 ஓவர்களில் 587/10 ரன்களைக் குவித்தது. (ஷுப்மன் கில் 269, யஷஸ்வி 87, ஜடேஜா 89, ஷோயிப் பஷீர் 3-167). இங்கிலாந்து அணி 89.3 ஓவர்களில் 407/10 ரன்களுக்கு ஆல் அவுட்டானது. (ஹாரி புரூக் 158, ஜேமி ஸ்மித் 184, சிராஜ் 6-70, ஆகாஷ்தீப் 4-88).

இந்தியா 427/6 (83 ஓவர்கள்) டிக்ளேர்: பின்னர் தனது இரண்டாம் இன்னிங்ஸை ஆடிய இந்திய அணி 83 ஓவர்களில் 427/6 ரன்களை சேர்த்து டிக்ளேர் செய்வதாக அறிவித்தது.