சென்செக்ஸ் 2-ஆவது நாளாக சரிவு

இந்த வாரத்தின் நான்காவது வர்த்தக தினமான வியாழக்கிழமையும் பங்குச்சந்தை எதிர்மறையாக முடிந்தது.

- நமது நிருபர்

நமது நிருபர் மும்பை / புது தில்லி, ஜூலை 3: இதைத் தொடர்ந்து, மும்பை பங்குச்சந்தைக் குறியீட்டு எண்ணான சென்செக்ஸ் மற்றும் தேசிய பங்குச் சந்தைக் குறியீட்டு எண்ணான நிஃப்டி ஆகிய இரண்டும் இரண்டாவது நாளாக சரிவுடன் முடிவடைந்தன.

உலகளாவிய சந்தைக் குறிப்புகள் கலவையாக இருந்தன. இந்நிலையில், உள்நாட்டுச் சந்தை உற்சாகத்துடன் தொடங்கி மேலே சென்றது. ஆனால், பிற்பகல் வர்த்தகத்தின் இறுதி நேரத்தில் 'கரடி' புகுந்ததால் பங்குகள் விற்பனை அதிகரித்தது. இதனால், சரிவு தவிர்க்க முடியாததாகியது. குறிப்பாக ஆட்டோ, மீடியா, ஃபார்மா, ஹெல்த்கேர், ஆயில் அண்ட் காஸ் நிறுவனப் பங்குகளுக்கு ஓரளவு ஆதரவு இருந்தது. ஆனால், வங்கிகள், நிதி நிறுவனங்கள், மெட்டல், ரியால்ட்டி பங்குகள் அதிகம் விற்பனையை எதிர்கொண்டன என்று பங்கு வர்த்தகத் தரகு நிறுவனங்கள் தெரிவித்தன.