விழுப்புரம் அதிமுக அலுவலகத்தை கைப்பற்ற இரு அணிகளிடையே மோதல்

அலுவலகத்துக்கு பூட்டு; போலீஸார் குவிப்பு

- 

விழுப்புரம் மாவட்ட அதிமுக அலுவலகத்தை கைப்பற்றுவதற்கு புதிய மாவட்டச் செயலர் இரா. பசுபதி, முன்னாள் மாவட்டச் செயலர் சி.வி.சண்முகம் அணியினரிடையே மோதல் எழும் சூழல் நிலவியதால், கட்சி அலுவலகத்துக்கு பூட்டு போடப்பட்டு, பாதுகாப்புக்காக போலீஸார் குவிக்கப்பட்டனர்.

தமிழக சட்டப் பேரவைத் தேர்தலுக்குப் பிறகு தவெக அரசுக்கு ஆதரவு அளிப்பதென அதிமுகவில் எஸ்.பி. வேலுமணி, சி.வி.சண்முகம் ஆகியோர் தலைமையிலான அணி முடிவெடுத்தது.

இதையடுத்து விழுப்புரம் மாவட்டச் செயலரான சி.வி.சண்முகத்தை அப்பதவியிலிருந்து நீக்கியதுடன், நகரச் செயலராக இருந்த இரா.பசுபதியை மாவட்டச் செயலராக நியமித்து, அதிமுக பொதுச் செயலர் எடப்பாடி கே.பழனிசாமி அறிவித்தார்.

இதையடுத்து கட்சிக்குச் சொந்தமான மாவட்ட அலுவலகத்தின் சாவியை சி.வி.சண்முகத்திடமிருந்து பெற்றுத் தர வேண்டும். மேலும், உரிய பாதுகாப்பு ஏற்பாடுகளை செய்து தர வேண்டும் எனக் கோரி மாவட்டக் காவல் துறை அலுவலகத்தில் புதிய மாவட்டச் செயலர் பசுபதி வெள்ளிக்கிழமை மனு அளித்தார்.