மெரீனா கடற்கரையில் கடைகள் எண்ணிக்கையைக் குறைக்க உத்தரவு

மெரீனா கடற்கரையில் 1,417 கடைகள் அமைக்கும் திட்டத்தை மறு ஆய்வுசெய்து கடைகளின் எண்ணிக்கையைக் கணிசமாகக் குறைத்து புதிய திட்டத்தை தாக்கல் செய்ய சென்னை மாநகராட்சிக்கு சென்னை உயர்நீதிமன்றம் உத்தரவிட்டது.

- 

திருவல்லிக்கேணியைச் சேர்ந்த தேவி என்பவர், தனக்கு சென்னை மெரீனா கடற்கரையில் கடை ஒதுக்கக் கோரி உயர்நீதிமன்றத்தில் மனு தாக்கல் செய்திருந்தார். இந்த வழக்கை விசாரித்து வரும் நீதிபதிகள் ஆர். சுரேஷ்குமார் மற்றும் ஆர்.டி. ஜெகதீஷ்சந்திரா ஆகியோர் கடந்த டிச. 22-ஆம் தேதி மெரீனா கடற்கரையில் நேரில் ஆய்வு செய்தனர்.

இந்த வழக்கு நீதிபதிகள் ஆர்.சுரேஷ்குமார் மற்றும் ஆர்.டி.ஜெகதீஷ்சந்திரா ஆகியோர் அடங்கிய அமர்வில் வெள்ளிக்கிழமை மீண்டும் விசாரணைக்கு வந்தது.