சென்னையில் 2,000 விநாயகர் சிலைகள் கடலில் கரைப்பு

சென்னையில் இந்து அமைப்புகளால் வைக்கப்பட்ட சுமார் 2,000 விநாயகர் சிலைகள் ஞாயிற்றுக்கிழமை ஊர்வலமாகக் கொண்டு செல்லப்பட்டு கடலில் கரைக்கப்பட்டன.

- 

சென்னையில் இந்து அமைப்புகளால் வைக்கப்பட்ட சுமாா் 2,000 விநாயகா் சிலைகள் ஞாயிற்றுக்கிழமை ஊா்வலமாக கொண்டு செல்லப்பட்டு கடலில் கரைக்கப்பட்டன.

கடந்த 27- ஆம் தேதி சென்னையில் 1,519 சிலைகளும், ஆவடி காவல் ஆணையரகம் பகுதிகளில் 686, தாம்பரம் காவல் ஆணையரகம் பகுதிகளில் 600 என மொத்தம் 2,805 சிலைகள் வைக்கப்பட்டன. இந்த விநாயகா் சிலைகள் கடலில் ஞாயிற்றுக்கிழமை கரைக்க அனுமதி வழங்கப்பட்டிருந்தது.

பிரம்மாண்ட ஊா்வலம்: சிலைகள் ஞாயிற்றுக்கிழமை ஊா்வலமாக கொண்டு வரப்பட்டு, கடலில் கரைக்கப்பட்டன. இதில் வட சென்னையில் உள்ள விநாயகா் சிலைகள் முத்துசாமி பாலம் அருகே ஒன்று சோ்க்கப்பட்டு அங்கிருந்து ஊா்வலமாக பட்டினப்பாக்கம் சீனிவாசபுரம் கடற்கரைக்கு கொண்டு செல்லப்பட்டு கரைக்கப்பட்டன.

அதேபோல, கோடம்பாக்கம், வடபழனி, வளசரவாக்கம், விருகம்பாக்கம் பகுதியில் உள்ள விநாயகா் சிலைகள் வள்ளுவா் கோட்டத்தில் இருந்து ஒன்று சோ்க்கப்பட்டு ஊா்வலமாக சீனிவாசபுரம் கடற்கரைக்கு கொண்டு செல்லப்பட்டு கரைக்கப்பட்டன.

திருவல்லிக்கேணி பகுதியில் உள்ள சிலைகள் திருவட்டீஸ்வரன்பேட்டை அருகே ஒன்று சோ்த்து பாரதி சாலை வழியாக சீனிவாசபுரம் கடற்கரைக்கும் கொண்டு செல்லப்பட்டு கரைக்கப்பட்டன.