ஸ்வியாடெக், கௌஃப் வெற்றி

நடப்பாண்டின் கடைசி கிராண்ட்ஸ்லாம் போட்டியான யுஎஸ் ஓபனில், முன்னணி வீராங்கனைகளான போலந்தின் இகா ஸ்வியாடெக், அமெரிக்காவின் கோகோ கௌஃப் ஆகியோர் 3-ஆவது சுற்றுக்கு வெள்ளிக்கிழமை முன்னேறினர்.

- 

மகளிர் ஒற்றையர் 2-ஆவது சுற்றில், 6 முறை கிராண்ட்ஸ்லாம் சாம்பியனான ஸ்வியாடெக் 6-1, 4-6, 6-4 என்ற செட்களில், நெதர்லாந்தின் சூசன் லேமன்ஸை வீழ்த்தினார். உலகின் 2-ஆம் நிலையில் இருக்கும் ஸ்வியாடெக், அடுத்த சுற்றில் ரஷ்யாவின் அனா கலின்ஸ்கயாவுடன் மோதுகிறார்.

உலகின் 3-ஆம் நிலையில் இருக்கும் கௌஃப் 7-6 (7/5), 6-2 என்ற நேர் செட்களில், குரோஷியாவின் டோனா வெகிச்சை வென்றார். இருமுறை கிராண்ட்ஸ்லாம் வென்றவரான கௌஃப், 3-ஆவது சுற்றில் போலந்தின் மெக்தலினா பிரெச்சை சந்திக்கிறார்.