பி.இ. 2-ஆம் சுற்று கலந்தாய்வு: 98,565 மாணவர்களுக்கு அனுமதி

முதல் சுற்றில் 30,096 பேருக்கு ஒதுக்கீடு

- 

தமிழக பொறியியல் மாணவர் சேர்க்கைக்கான முதல் சுற்று கலந்தாய்வில் 30,096 மாணவர்கள் ஒதுக்கீடு பெற்றுள்ள நிலையில் 2-ஆம் சுற்றுக்கு 98,565 மாணவர்கள் அனுமதிக்கப்பட்டுள்ளனர்.

தமிழகத்தில் அண்ணா பல்கலைக்கழகத்தின் கீழ் செயல்பட்டு வரும் 440-க்கும் மேற்பட்ட பொறியியல் கல்லூரிகளின் மாணவர் சேர்க்கை பொது கலந்தாய்வு இணையதளம் மூலம் நடைபெறுகிறது. இந்தக் கல்லூரிகளில் இளநிலை பி.இ., பி.டெக். படிப்பில் அரசு ஒதுக்கீட்டுக்கு 1.90 லட்சம் இடங்கள் உள்ளன. நிகழாண்டில் பங்கேற்க 3.02 லட்சம் மாணவர்கள் விண்ணப்பித்தனர்.