மனிதகுலத்துக்கு பயங்கரவாதம் பெரும் சவால்

மனித குலத்துக்கு பயங்கரவாதம் பெரும் சவாலாக மாறி வருகிறது என்று பிரிக்ஸ் மாநாட்டில் பிரதமர் மோடி கூறினார்.

- 

பிரேஸில், ரஷியா, இந்தியா, சீனா, தென்னாப்பிரிக்கா ஆகிய 5 நிறுவன உறுப்பு நாடுகளுடன் எகிப்து, எத்தியோப்பியா, ஈரான், ஐக்கிய அரபு அமீரகம், சவூதி அரேபியா, இந்தோனேசியா ஆகிய கூடுதல் உறுப்பு நாடுகளையும் உள்ளடக்கிய பிரிக்ஸ்கூட்டமைப்பின் 17ஆவது உச்சிமாநாடு, பிரேஸிலின் ரியோடி ஜெனீரோவில் ஞாயிற்றுக்கிழமை தொடங்கி 2 நாள்கள் நடை பெறுகிறது.

ஈரான் மீதான இஸ்ரேலின் தாக்குதல், காஸாவில் நிலவும் மனிதாபிமானப் பிரச்னை, அமெரிக்க அதிபர் டொனால்ட் டிரம்ப்பின் வர்த்தக வரிக் கொள்கைகள் போன்ற முக்கிய விவகாரங்களின் பின்னணியில் நடைபெறும் இந்த மாநாடு உலக அளவில் கவனம் பெற்றுள்ளது.

இந்த மாநாட்டில் அமைதி மற்றும் பாதுகாப்பு தொடர்பான கூட்டத்தில் பிரதமர் மோடி ஆற்றிய உரை:

இந்தியாவின் கண்ணியம், ஆன்மா, அடையாளத்தின் மீதான நேரடித் தாக்குதல்தான் கோழைத்தனமான பஹல்காம் தாக்குதலாகும்.

இது இந்தியாவுக்கு எதிரான தாக்குதல் மட்டுமல்ல. மனிதகுலத்துக்கே எதிரானது.

பயங்கரவாதத்தால் பாதிக்கப்பட் டவர்களையும், பயங்கரவாதத்தை ஆதரிப்பவர்களையும் ஒரே மாதிரியாக பார்க்கக் கூடாது.

பயங்கரவாதத்தைக் கண்டிப்பது கண்துடைப்பாக மட்டுமல்லாமல் கொள்கையாக இருக்க வேண்டும். பயங்கரவாதிகள் மீது தடைகளை விதிப்பதில் உலக நாடுகள் எந்தத் தயக்கமும் காட்டக் கூடாது. அமைதி, பாதுகாப்பான சூழலில் தான் மனிதகுலம் மேம்பாடும்.

இதை நிலைநாட்டுவதில் பிரிக்ஸ் அமைப்புக்கு முக்கிய பங்குள்ளது.

மேற்கு ஆசியா முதல் ஐரோபா வரையில் பதற்றமான சூழல் நிலவுகிறது.

மேலும், காஸாவில் நிகழும் மனிதாபிமான நிலை பெரும் கவலை அளிக்கிறது என்றார் பிரதமர் மோடி.