கம்பராமாயணத்தில் ஒப்பற்ற தியாகத்துக்குரியவர் கும்பகர்ணனே!

தேசிய மனித உரிமைகள் ஆணையத் தலைவர் வெ.ராமசுப்பிரமணியன்

- 

கம்பராமாயணத்தில் கும்பகர்ணனே ஒப்பற்ற தியாகத்துக்கு உரியவராக உள்ளார் என தேசிய மனித உரிமைகள் ஆணையத்தின் தலைவரும், முன்னாள் உச்சநீதிமன்ற நீதிபதியுமான வெ.ராமசுப்பிரமணியன் தீர்ப்பளித்தார்.

புதுச்சேரி கம்பன் கழக விழாவில் சனிக்கிழமை நடந்த பட்டிமன்றத் தீர்ப்பை எதிர்த்து, மேல்முறையீடு செய்யும் நிகழ்வு 3-ஆம் நாளான ஞாயிற்றுக்கிழமை நடைபெற்றது. முதல்நாளில் கம்பராமாயணத்தில் ஒப்பற்ற தியாகம் செய்தவர்கள் என இந்திரஜித், மாரீசன், கும்பகர்ணனை தலா 3 பேர் வீதம் 9 பேர் பேசினர். அதன் அடிப்படையில் கும்பகர்ணனே என நடுவர் கம்ப வாரிதி இலங்கை ஜெயராஜ் தீர்ப்பளித்தார்.