தமிழக மீனவர்கள் பிரச்னைக்கு நிரந்தரத் தீர்வு தேவை

மத்திய அரசுக்கு முதல்வர் மு.க.ஸ்டாலின் கடிதம்

- 

தமிழக மீனவர்கள் பிரச்னைக்கு நிரந்தரத்தீர்வை ஏற்படுத்த வேண்டும் என்று வெளியுறவுத் துறை அமைச்சர் எஸ்.ஜெய் சங்கருக்கு முதல்வர் மு.க.ஸ்டாலின் கடிதம் எழுதியுள்ளார்.

இதுகுறித்து, அவர் செவ்வாய்க்கிழமை எழுதியுள்ள கடிதம்: அண்மைக்காலமாக, இலங்கைக் கடற்படையினரால் தமிழக மீனவர்கள் கைது செய்யப்படும் நிகழ்வுகள் முன்னெப்போதும் இல்லாத அளவுக்கு அதிகரித்துள்ளன. அதன் தொடர்ச்சியாக, கடந்த திங்கள்கிழமையும், தமிழ்நாட்டைச் சேர்ந்த 25 மீனவர்கள் இலங்கைக் கடற்படையினரால் கைது செய்யப்பட்டுள்ளனர்.