திருச்சி சிறப்பு முகாமிலிருந்து இலங்கை செல்ல சாந்தனுக்கு மத்திய அரசு அனுமதி

முன்னாள் பிரதமா் ராஜீவ் காந்தி கொலை வழக்கில் தண்டனைக்கு பிறகு விடுவிக்கப்பட்டு, திருச்சி சிறப்பு முகாமில் அடைக்கப்பட்டுள்ள சாந்தனை அவரது சொந்த நாடான இலங்கைக்கு அனுப்ப மத்திய அரசு அனுமதியளித்துள்ளது.

- 

ராஜீவ்காந்தி கொலை வழக்கில் தண்டனை பெற்ற பேரறிவாளன், நளினி, ரவிச்சந்திரன், சாந்தன், முருகன், ராபா்ட் பயஸ், ஜெயக்குமாா் உள்ளிட்ட 7 பேரையும் விடுவிக்க 2022ஆம் ஆண்டு நவ.11ஆம் தேதி உச்சநீதிமன்றம் உத்தரவிட்டது. இதில், பேரறிவாளன், நளினி, ரவிச்சந்திரன் ஆகிய மூவரும் இந்திய குடியுரிமை பெற்றவா்கள் என்பதால் அவரவா் இருப்பிடம் செல்ல அனுமதிக்கப்பட்டனா். எஞ்சிய 4 பேரும் இலங்கை குடியுரிமை பெற்றவா்கள் என்பதால், வெளிநாட்டவா் பதிவு அலுவலகத்தில் இருந்து உரிய உத்தரவுகள் கிடைக்கும் வரையில் திருச்சி சிறப்பு முகாமில் அடைக்கப்பட்டனா்.