40 தொகுதிகளிலும் 'இந்தியா' கூட்டணி வெற்றி பெறும்

மக்களவைத் தேர்தலில் தமிழகம், புதுவையில் 40 தொகுதிகளிலும் ‘இந்தியா' கூட்டணி வெற்றி பெறும் என திமுக தலைவரும் முதல்வருமான மு.க.ஸ்டாலின் தெரிவித்தார்.

- 

திமுக இளைஞரணி இரண்டாவது மாநில மாநாடு சேலம், பெத்த நாயக்கன்பாளையத்தில் ஞாயிற்றுக்கிழமை நடைபெற்றது. மாநாட்டில் பங்கேற்று முதல்வர் மு.க.ஸ்டாலின் பேசியதாவது: தெற்கில் விடியல் கிடைத்தது போல இந்தியா முழுவதும் விடியல் விரைவில் கிடைக்கும்.

திமுக தொடங்கிய காலத்தில் இருந்த எழுச்சியும்,லட்சிய வேட்கையும் இன்றைக்கும் தொண்டர்களிடம் இருப்பது திமுக தலைவராக எனக்கு மிகுந்த மகிழ்ச்சி அளிக்கி றது. கட்சிப்பணி, மக்கள் பணி எல்லாவற்றிலும் அமைச்சர் உதயநிதி ஸ்டாலின் எனக்குத் துணையாக இருக்கிறார்.

எனக்கு 30 வயதாக இருக்கும் போது இளைஞரணி உருவாக்கப்பட்டது. என் மீது கருணாநிதி வைத் திருந்த நம்பிக்கையைப் போலவே உதயநிதி ஸ்டாலின் மீதும் நான் வைத்த நம்பிக்கை வெற்றி பெற்று விட்டது. யாராலும் திமுகவை எதுவும் செய்துவிட முடியாது என்பதை திமுக இளைஞரணி மாநாடு நிரூபித் துவிட்டது.

தமிழ்மொழியை எதிர்க்கும் சக்திகளை அடையாளம் கண்டுகொள்ள வேண்டும். 75 ஆண்டுகள் திமுககம் பீரமாக நிற்பதற்கு கொள்கை உரம் தான் காரணம். மொழி, பண்பாடு, தமிழின அடையாளத்தை அழிக்க பாஜக முயற்சிக்கிறது.

அதிமுகவின் செயல்பாடுகள் அனைத்தும் பாஜக வடிவமைத்த நாடகம். முன்னாள் முதல்வர் எடப்பாடி கே.பழனிசாமியின் பகல் வேஷத்தை அதிமுக தொண்டர் களே நம்பத் தயாராக இல்லை.

பாஜக, அதிமுகவிடமிருந்து மக்களைப் பாதுகாப்பதுதான் திமுகவின் முதல் கடமை.

மாநில சுயாட்சி: மாநில சுயாட்சிக்கு இந்திய அரசமைப்புச் சட்டத்தில் திருத்தம் செய்ய வேண்டும் எனத் தொடர்ந்து வலியுறுத்தி வருகிறோம்.