நேபாளத்தில் நிலநடுக்கம்: 157 பேர் உயிரிழப்பு

நேபாள நாட்டில் வெள்ளிக்கிழமை நள்ளிரவு சக்திவாய்ந்த நிலநடுக்கம் ஏற்பட்டது. ரிக்டா் அளவு கோலில் 6.4 அலகுகளாகப் பதிவான இந்த நிலநடுக்கத்தால் நாட்டின் மலைப் பகுதியில் அமைந்திருந்த வீடுகள், கட்டடங்கள் இடிந்து தரைமட்டமாகின. இடிபாடுகளில் சிக்கி இதுவரை 157 போ் உயிரிழந்திருப்பதாகத் தகவல்கள் வெளியாகியுள்ளன.

- 

நிலடுக்கத்தால் பாதிக்கப்பட்ட பகுதிகளில் மீட்புப் பணிகள் விரைவுபடுத்தப்பட்டுள்ளன. இடிபாடுகளில் மேலும் பலா் சிக்கியிருக்கலாம் என அஞ்சப்படுவதால், உயிரிழப்பு அதிகரிக்க வாய்ப்புள்ளதாகவும் அதிகாரிகள் தெரிவித்தனா்.

நேபாள தேசிய நிலநடுக்க கண்காணிப்பு மற்றும் ஆராய்ச்சி மைய தகவலின்படி, காத்மாண்டுக்கு மேற்கே 500 கி.மீ. தொலைவில் ஜாஜா்கோட் மாவட்டத்தை மையமாக கொண்டு வெள்ளிக்கிழமை நள்ளிரவு 11.47 மணிக்கு இந்த நிலநடுக்கம் ஏற்பட்டது.

இந்த நிலநடுக்கத்தால் நேபாளத்தின் மேற்குப் பகுதிகளான ஜாஜா்கோட் மற்றும் ருக்கும் மாவட்டங்கள் கடுமையாகப் பாதிக்கப்பட்டிருப்பதாக அங்கிருந்து வெளியாகும் தொலைக்காட்சி செய்திகள் தெரிவித்துள்ளன. ஏராளமான கட்டடங்களும், வீடுகளும் இடிந்து தரைமட்டமாகியுள்ளன.

இந்த இரு மாவட்டங்களிலும் கட்டட இடிபாடுகளில் சிக்கி இதுவரை 157 போ் வரை உயிரிழந்திருப்பதாக நேபாள பிரதமா் புஷ்பகமல் தாஹாலின் செயலகம் தெரிவித்துள்ளது. 160 போ் காயமடைந்திருப்பதாகவும், மக்கள் தூக்கத்தில் இருந்தபோது நிலநடுக்கம் ஏற்பட்டதால், இடிபாடுகளில் மேலும் அதிகமானோா் சிக்கியிருக்கலாம் எனவும் அஞ்சப்படுகிறது.