WATER EN JUICE VIR DIE KROES

SKOK, ongeloof en toe tref dit haar soos 'n emmer yskoue water op 'n wintersoggend — sy is pas 'n rat voor die oë gedraai!

- CHRISLYNN SIAS-LOUW

Dit is die gevoelens wat Kelly-Ann Hendricks (30) van Grassy Park Maandag, 13 Oktober, ervaar het nadat sy twee vyf liters shampoo en conditioner bestel en betaal het om te herverkoop.

Toe sy egter die bottels oopmaak, het sy met 'n skok besef in die een bottel is water en in die ander is aanmaak-juice.

Hendricks vertel vandeesweek aan Son sy is unemployed en het 'n besigheid begin waar sy haarprodukte in kleiner maat verkoop om 'n inkomste te genereer.

Haar besigheid het heel goed gedoen totdat sy Maandag op Marketplace in grootmaat vir die eerste keer by die spesifieke seller shampoo en conditioner wou koop.

Sy vertel: "Ek het die advertensie op Facebook Marketplace gesien en het gedink dit is 'n goeie deal en ek kan dit byvoeg by die reeks ander produkte wat ek reeds verkoop.

"Ek het die man gekontak en hy was blitsvinnig met replies om die produkte te verskaf."