'KIDS WAS NIE DRONK'

IN 'N hartroerende pleidooi vra Sian Eksteen, die ma van Perth Eksteen, dat mense moet ophou stories versprei dat hulle kinders dronk was en onder die invloed bestuur het.

- 

"Hulle was nie dronk nie. Een van die kinders in die hospitaal het dit bevestig. Dis wreed om families se seer nog meer te maak deur valse stories te versprei," laat hoor die gebroke ma.

Perth (17) was een van die vier jongmense wat Saterdagaand tragies gesterf het in 'n ongeluk in Cyril-rylaan in Brackenfell.

Die kar het teen 'n boom gebots en vlamgevat.

Kiara-Joy Daniels (16), Daniel Jansen van Rensburg en Adrian le Roux (15) is die drie ander tieners wat in die gru-ongeluk dood is.

Twee van die insittendes is met die impak met geweld uit die voertuig geslinger, wat hulle dood veroorsaak het, en twee van die ander insittendes het verkool toe die kar vlamgevat het.

Nog twee is met ernstige beserings hospitaal toe geneem.

Toe Eksteen Saterdagaand haar seun omstreeks 19:00 probeer bel en sy foon is af, het haar moederlike instinkte onmiddellik ingeskop.

Nadat sy hom probeer bel het, het sy 'n plasing gesien oor 'n gru-ongeluk in Brackenfell.