தனி நபர் வருமான வரியில் மாற்றம் இல்லை

பாராளுமன்றத்தில் 2026-27-ம் ஆண்டுக்கான பட்ஜெட்டை தாக்கல் செய்தார், மத்திய நிதி மந்திரி நிர்மலா சீதாராமன்

- 

பாராளுமன்றத்தில் 2026 - 27 -ம் ஆண்டுக்கான பட்ஜெட்டை நிதி மந்திரி நிர்மலா சீதாராமன் நேற்று தாக்கல் செய்தார். பட்ஜெட்டில், “மாநிலங்களுக்கு ரூ.1.4 லட்சம் கோடி ஒதுக்கீடு., லித்தியம் பேட்டரிகளுக்கு இறக்குமதி வரி இல்லை., புற்றுநோய் மருந்துகளுக்கு வரி விலக்கு., சென்னை-பெங்களூரு அதிவேக ரெயில் விடப்படும்” போன்ற அறிவிப்புகள் இடம் பெற்றுள்ளன.

பாராளுமன்றத்தில் நேற்று மத்திய மந்திரி நிர்மலா சீதாராமன் 2026-2027-ம் நிதியாண்டுக்கான மத்திய பட்ஜெட்டை தாக்கல் செய்தார். அவர் தொடர்ந்து தாக்கல் செய்த 9-வது பட்ஜெட் இதுவாகும். சரியாக காலை 11 மணிக்கு பட்ஜெட்டை தாக்கல் செய்து பேசத் தொடங்கிய நிர்மலா சீதாராமன் ஒன்றரை மணி நேரம் பட்ஜெட்டை வாசித்தார்.

இதனிடையே, நிதி அமைச்சர் நிர்மலா சீதாராமன் தாக்கல் செய்த மத்திய பட்ஜெட்டில் ஒரு தொலைநோக்கு திட்டம் கூட இல்லை எனக்கூறி எதிர்க்கட்சிகள் எதிர்ப்பு தெரிவித்து முழக்கம் எழுப்பினர்.

இதனை தொடர்ந்து, நிர்மலா சீதாராமன் பட்ஜெட் உரையை நிறைவு செய்த உடன் அவை இன்று காலை 11 மணிக்கு ஒத்தி வைக்கப்பட்டது. 2026-27-ம் ஆண்டிற்கான மத்திய பட்ஜெட் நேற்று பாராளுமன்றத்தில் தாக்கல் செய்யப்பட்டது. பட்ஜெட்டை மத்திய நிதி அமைச்சர் நிர்மலா சீதாராமன் தாக்கல் செய்தார். பட்ஜெட்டில் இடம்பெற்றுள்ள முக்கிய அம்சங்கள் பின்வருமாறு :-

* பயணிகள் விமான உதிரிபாகங்களுக்கான இறக்குமதி வரி இனி இல்லை.

* கலால் மற்றும் சுங்க வரி விதிப்பு நடைமுறை எளிமையாக்கப்படும்.