బాలల కథ

చిలుక బద్దకం

- పల్లా వెంకట రామారావు. :9949043019

చక్కని అడవిలో ఒక తల్లిచిలుక నలుగురు పిల్లల్ని కన్నది. వాటిలో అందరికన్నా చిన్నది 'చిన్ను. వాటికి రెక్కలు వచ్చేదాకా ప్రతిరోజు తల్లి ఆహారం తెచ్చి వాటి నోటికి అందించేది. కాస్త రెక్కలు రాగానే పెద్దవి మూడు తల్లితోపాటు ఆహారం కోసం బయటికి వెళ్ళేవి. కానీ చిన్ను మాత్రం ఎక్కడికి వెళ్ళేది కాదు. తల్లి, ముగ్గురు సోదరులు తెచ్చిన ఆహారం తింటూ గూటిలోనే బద్ధకంగా పడుకునేది.

ఒకరోజు అలాగే పడుకుని ఉండగా పక్క గూటిలో ఉ డే ఒక పావురం చిన్ను దగ్గరికి వచ్చింది. "ఏంటి నువ్వు ఎప్పుడూ బద్దకంగా పడుకొని గూటిలోనే ఉంటావు. నువ్వు కూడా మీ కుటుంబ సభ్యులలాగా ఆహారం కోసం బయటకు వెళ్ళవచ్చు కదా!” అన్నది పావురం దానికి చిన్ను “నాకేం అవసరం? మా వాళ్ళు నాకోసం ఆహారం తెస్తున్నారు. నేను హాయిగా, వెచ్చగా గూటిలోనే బజ్జుంటాను” అంది.