చైర్మన్తో ముఖాముఖి

చైర్మన్తో ముఖాముఖి

- 

ఈ మధ్యకాలంటో క్రమ క్రమంగా కమర్షియల్ గ్యా సిలెండర్ ధరలు తగ్గిస్తూ ఊరించిన కేంద్రం అర్ధంతరంగా 200 రూపాయలు పెంచేసింది. దీని వల్ల హెటల్స్ దరలు పెంచేసి సామాన్యుడిపై భారం ఓపుతోందనటంలో సందేహం లేదు. మీరు ఏమంటారు?

- పి. నాగేశ్వరరావు, వనపర్తి

మీరన్నది నిజమే నాగేశ్వరరావుగారూ... కమర్షియల్ గ్యాస్ వినియోగదారులకు కేంద్ర ప్రభుత్వం పిడుగులాంటి వార్త చెప్పింది. అక్టోబర్ నెల మొదటి రోజే 19 కిలోల గ్యాస్ సిలిండర్ ధరలను భారీగా పెంచింది. నేడు కమర్షియల్ గ్యాస్ సిలిం డర్ల ధర రూ. 200 పైగా పెరిగింది. అదే సమయంలో గృహ వినియోగ దారులకు మాత్రండొమెస్టిక్ గ్యాస్ సిలిండర్ ధరలను స్థిరంగా ఉంచడం కొంత ఊరట.

దేశరాజధాని ఢిల్లీలో కమర్షియల్ గ్యాస్ సిలిండర్పై రూ.209 పెరిగింది. ప్రస్తుతం ఢిల్లీలో 19 కేజీల సిలిండర్ ధర రూ. 1731.50గా ఉంది. అటు కోల్కతాలో వాణిజ్య గ్యాస్ సిలిండర్ ధర రూ.203.5 పెరగగా.. ప్రస్తుతం అక్కడ సిలిండర్ ధర రూ.1839.50గా ఉంది. చైన్నైలో గ్యాస్ సిలిండర్ ధర రూ. 203 పెరిగి రూ.1898కి చేరుకుంది. ఇకపోతే ఆగష్టు 30న డొమెస్టిక్ గ్యాస్ సిలిండర్ వినియోగదారులకు కేంద్రం ఊరట కల్పించిన విషయం తెలిసిందే. సిలిండర్ ధరను రూ.200 తగ్గించింది. ఆ తర్వాత డొమెస్టిక్ గ్యాస్ సిలిండర్ ధరల్లో కేంద్రం ఎటువంటి మార్పు చేయలేదు.