సమర్ధుడికి దక్కిన డిజీపీ అవకాశం

ఆంధ్రప్రదేశ్ రాష్ట్ర నూతన DGPగా హరీష్ కుమార్ గుప్త 2025 జనవరి 31న పదవీ బాధ్యతలు స్వీకరించారు.

- 

ఆంధ్రప్రదేశ్ రాష్ట్ర నూతన DGPగా హరీష్ కుమార్ గుప్త 2025 జనవరి 31న పదవీ బాధ్యతలు స్వీకరించారు.

అప్పటిదాకా DGPగా పనిచేసిన ద్వారకా తిరుమల రావు ఆరోజు పదవీ విరమణ చేయడంతో ప్రభుత్వం హరీష్ కుమార్ గుప్తను తెలుగుదేశం సంకీర్ణ ప్రభుత్వంDGPగా నియమించింది. కాగా హరీష్ కుమార్ గుప్తా పార్లమెంటుకు, ఆంధ్రప్రదేశ్ రాష్ట్ర శాసనసభకు 2024 ఏప్రిల్ - మే మధ్య జరిగిన ఎన్నికల సమయంలో కూడా ఏపీ DGPగా బాధ్యతలు నిర్వహించారు.

అప్పుడు ఆంధ్రప్రదేశ్లో అధికారంలో ఉన్న ముఖ్యమంత్రి వైయస్ జగన్మోహన్ రెడ్డికి అనుకూలంగా వ్యవహరించి, పోలీసు యంత్రాంగాన్ని వైయస్సార్ కాంగ్రెస్ పార్టీకి లాభం కలిగించేలా నిర్ణయం తీసుకుంటున్నట్లు అనేక ఆరోపణలు రాసాగాయి. దాంతో కేంద్ర ఎన్నికల సంఘం ఏపి డీజీపీగా ఉన్న కె.వి రాజేంద్రనాథ్ రెడ్డిని ఆ పదవి నుండి తప్పించింది. సీనియర్ ఐపిఎస్ అధికారిగా ఉన్న హరీష్ కుమార్ గుప్తాను ఎన్నికల సమయంలో కేంద్ర ఎన్నికల సంఘం DGPగా నియమించింది. కక్షలకు, కార్పణ్యాలకు, ఫ్యాక్షనిజంకు, ముఠా తగాదాలకు, అల్లర్లు అధికంగా జరిగే రాష్ట్రంగా పేరు పొందిన ఆంధ్రప్రదేశ్లో పార్లమెంటు, శాసనసభ ఎన్నికలు సక్రమంగా నిర్వహించడానికి హెచ్ కె గుప్తా ఎన్నో కఠిన చర్యలు తీసుకున్నారు. సమర్థుడైన పోలీస్ అధికారిగా పేరు పొందారు. ఎన్నికల సమయంలో DGPగా వ్యవహరించి, అనంతరం DGPగా నియామకం అయిన రెండో వ్యక్తిగా హరీష్ కుమార్ గుప్త ఘనత సాధించారు.

వైయస్ రాజశేఖర్ రెడ్డి సమైక్యాంధ్ర ముఖ్యమంత్రిగా ఉన్న కాలంలో 2009 ఎన్నికల సమయంలో డిజిపి పదవి కోల్పోయిన SSP యాదవ్ ఎన్నికల అనంతరం వైఎస్ఆర్ సీఎం కాగానే తిరిగి DGP పదవి దక్కించుకున్నారు.