ஜநயினார் மாற்றம்? பா.ஜ.க. மேலிடம் அதிரடி!

பா.ஜ.க.வின் மாநிலத் தலைவர் நாகேந்திரன் நடத்திய விருந்து விழாவில் எடப்பாடி கலந்துகொண்டார். பா.ஜ.க.வைச் சேர்ந்த பெரும்பான்மையினர் கலந்துகொண்டார்கள்.

- தாமோதரன் பிரகாஷ்

ஆனால் முன்னாள் மாநிலத் தலைவர் தலைமையிலான ஒரு டீம் நயினாரின் அந்த விருந்து விழாவை புறக்கணித்தது. விரைவில் நயினார் நாகேந்திரன் மாற்றப்படுவார் என்கிற செய்தி பெரிய அளவில் பா.ஜ.க. வட்டாரங்களில் பேசப்படுகிறது. இதில் முக்கியமான விவகாரம் ஓ.பி.எஸ். தொடர்பானது.

ஓ.பி.எஸ். மூன்றாவது முறையாக ஸ்டாலினை சந்தித்துவிட்டு வந்தபிறகு, “நான் பிரதமருடன் ஓ.பி.எஸ்.ஸை சந்திக்க வைக்கிறேன்” என நயினார் நாகேந்திரன் பேட்டியளித்தார். அதற்கு பதிலளித்த ஓ.பி.எஸ்., பிரதமரை சந்திப்பதற்காக அவர், நயினார் நாகேந்திரனுக்கு போன் செய்த விவரத்தையும் நயினாருக்கு ஓ.பி.எஸ். அனுப்பிய மெசேஜ்களையும் ஸ்கிரீன் ஷாட்டாக வெளியிட்டார். இது சமூக வலைத்தளங்களில் பெரிய பரபரப்பை ஏற்படுத்தியது.

நயினார் பொதுவாக தனக்கு வரும் போன்களை அவர் அட்டெண்ட் செய்யமாட்டார். அவரது மகன்கள் மூலமாகத்தான் யாராக இருந்தாலும் நயினாருடன் பேச முடியும். கட்சியில் யார் சேர வேண்டுமானாலும் நயினாரின் மகன்கள் மூலமாகத்தான் நயினாரை அணுக முடியும். மகன்கள் மூலமாக நயினாரை அணுகிய அமர் பிரசாத் ரெட்டிக்கு நல்ல பதவியை போட்டுத்தந்தார் நயினார். இப்படி நயினாரின் தொலைபேசித் தொடர்பு படுவீக்காக இருப்பதை ஓ.பி.எஸ்.சின் ஸ்கிரீன்ஷாட் சமூக வலைத்தள பதிவு வெளிச்சம்போட்டுக் காட்டியது.