લાઈટ્સ કેમેરા...ટ્રાવેલ

દક્ષિણ ભારતમાં કલાકારોને ભગવાન માનવામાં આવે છે. પછી તેમને લીધે શ્રદ્ધા, ભાવના, ઉત્સુકતા એમ બધાનો સંગમ થાય છે અને તે ફિલ્મમાં જ્યાં જાય છે તે ઠેકાણે મુલાકાત લેવા માટે લોકો ઘેલા બની જાય છે.

- વીણા પાટીલ

મહિના પૂર્વે દુનિયાના દક્ષિણ છેડા પરનો પ્રવાસ ચાલતો હતો. ‘અલકાલાફાતેથી બ્યુનોસ આયર્સ' એમ અમારી સાઉથ અમેરિકામાં છેલ્લી ફ્લાઈટ હતી. પેટાગોનિયા અને ચિલેયન ફિયોર્ડસ જોઈને આંખો અંજાઈ ગઈ હતી અને પગ થાકી ગયા હતા. મહાકાય ગ્લેશિયર્સ જોઈને મંત્રમુગ્ધ થઈ ગયાં હતાં. પરીક્ષા થયા પછી લાગે તેવો જ થાક લાગ્યો હતો. બ્યુનોસમાં જઈને આરામ કરવાના બે દિવસ અને પછી ભારત બાજુ કૂચ કરવાનું આ વિચારમાં અમે અલકાલાફાતેના એરપોર્ટ પર બેઠેલાં હતાં. જોકે અમારા પ્રવાસમાં એક ફટકો પડવાનો બાકી હતો. સાંજે સાડાસાતની ફ્લાઈટ સાડાનવ વાગ્યા સુધી ડિલે થતાં થતાં અંતે કેન્સલ થઈ. ‘દરેક પરિસ્થિતિઓનો સામનો કરવા માટે તૈયાર રહેવું જોઈએ' એ કોવિડ પછી આપણા બધાની જ માનસિકતા બની ગઈ છે. પેશન્સ વધ્યો છે, જેથી શાંતિથી એરલાઈન્સે આપેલી હોટેલમાં મુકામ કર્યો. બ્યુનોસ આયર્સનો જે દિવસ ફ્રી હતો તે અમને હવે મળવાનો નહોતો, કારણ કે તે દિવસ લગભગ પ્રવાસમાં જ ગયો હતો. આખરે અમે રાત્રે હેમખેમ બ્યુનોસમાં પહોંચ્યા. બીજા દિવસે ઉતાવળમાં શહેરમાં એક આંટો માર્યો. ગાઈડને કહ્યું, અમને ‘કાસા રોસાદા’ માં લઈ જા, જ્યાંથી ઈવા પેરોને જનતાને ઉદ્દેશીને કરેલું ભાષણ જગપ્રસિદ્ધ થયું હતું, ઇતિહાસમાં નોંધ લેવાઈ. અમારી ગાઈડ માર્સેલા બહુ બોલકણી હતી. તેણે આર્જેન્ટિનાની સ્વાતંત્ર્યની લડત, ઈવા પેરોન ફર્સ્ટ લેડી, ત્રણ વાર પ્રેસિડેન્ટ રહેલા હુઆન પેરોનની કારકિર્દી, ફૂટબોલ, લા બોકા એમ બધા સંબંધમાં વ્યવસ્થિત માહિતી આપી અને ‘કાસા રોસાદા’માં ગુલાબી સુંદર રજવાડા સામે આવ્યા પછી પૂછ્યું, ‘તમે ફિલ્મ જોઈ છે? એવ્હિટા?' ફિલ્મ વિશે જાણ હતી, પરંતુ જોઈ નહોતી. અર્થાત તેમાં ઈવા પેરોનનો રોલ કરનારી મેડોનાનું સુપ્રસિદ્ધ ‘ડોન્ટ ક્રાય ફોર મી આર્જેન્ટિના' ગીત પ્રસિદ્ધ થયું હતું. તે ગીત દેખાવડું પણ હતું. આથી જ દુનિયાના પર્યટકોએ બ્યુનોસમાં કાસા રોસાદા જોવાનું હોય છે. કાસા રોસાદાની યાદ તરીકે એક ફોટો લીધો અમારો તે બેકગ્રાઉન્ડ પર અને અમે અમારી વાપસીના પ્રવાસે નીકળ્યાં.