શું તમે ટ્રેવાઈફ બનવાનું પસંદ કરશો?

અમેરિકા જેવા દેશમાં ઘણી નવયુવતી હવે કરિયરને બદલે ઘરરખુ સ્ત્રીની જૂની પરંપરા તરફ વળી રહી છે.

દુનિયાભરમાં પુરુષો ભણી-ગણીને પૅન્ટ-શર્ટ પહેરીને અલ્ટ્રામૉડર્ન બની ગયા, પરંતુ મોટા ભાગના સમાજ-ધર્મમાં સ્ત્રીઓ તો આજે પણ પરંપરાગત જ જોવા મળે છે, પહેરવેશથી લઈને આદર્શ સ્ત્રીના ફિક્સ સામાજિક કાટલા સુધી. આમાં આપણા દેશનો પણ સમાવેશ થાય છે. આપણે ત્યાં આજે પણ મોટા ભાગની સ્ત્રી પરંપરાગત જીવન જ જીવતી જોવા મળે છે.

આવામાં અમેરિકા જેવા અલ્ટ્રામૉડર્ન દેશમાં ટ્રેડવાઈફ નામનો નવો ફૅશન ટ્રેન્ડ શરૂ થયો છે. વાંચીને શું વિચાર આવ્યો તમારા મનમાં? એવી પત્ની જે વેપાર કરતી હોય? કે બીજું કશું? તો જવાબ છેઃ ના. ટ્રેડવાઈફ એ ટ્રેડિશનલ વાઈફનું ટૂંકું રૂપ છે અર્થાત્ ઘરેલુ સ્ત્રી-ગૃહિણી! આ એક શબ્દ હમણાં હમણાં અમેરિકાનાં યુવાન-યુવતીઓમાં લોકપ્રિય થઈ રહ્યો છે, પરંતુ ખરેખર આ ટ્રેડવાઈફ શું છે? આવો જાણીએ.