રાજા-રજવાડાના ભૂમિના રજવાડી લગ્નસ્થળો

લગ્ન એટલે માનવજીવનની એક યાદગાર ઘટના, એક નવા અધ્યાયનો આરંભ... અને જો આ શરૂઆત શાહી ઠાઠમાઠ સાથે થાય તો? જી હા, કાયમી સંભારણું બની રહે એવા શાનદાર શાદીના અનેક વિકલ્પ રાજસ્થાન પાસે છે.

- 

કૃતિક સૌંદર્ય, મનોહર સ્થાપત્યો અને રાજાઓની ભૂમિ તરીકે જાણીતું ||રાજસ્થાન ભવ્ય વૅડિંગ ડેસ્ટિનેશન તરીકે પણ અનોખું છે. દર વર્ષે સંખ્યાબંધ યુગલો રાજસ્થાનનાં વિવિધ સ્થળોની પશ્ચાદભૂમાં પરીકથારૂપ લગ્નસમારંભો યોજવા આકર્ષાય છે. વેડિંગ ડેસ્ટિનેશન્સ તરીકે રાજ્યની રાજધાની જયપુર સહિત ઉદયપુર અને જોધપુર જેવાં શહેરો લોકોનાં માનીતાં રહ્યાં જ છે, સાથે સાથે વિવાહમંચ તરીકે નવાં સ્થળો પણ ઉમેરાયાં છે. પોતાના ક્લાયન્ટોને વિશેષ અનુભવ આપવા માગતા વેડિંગ પ્લાનરો જેસલમેર, રણથંભોર અને પુષ્કર જેવાં સ્થળો તરફ પણ આકર્ષાયા છે.

રાજસ્થાનનાં વૈવિધ્યપૂર્ણ વિવાહ સ્થળોમાં ધબકતાં ને જીવંત શહેરો, ગ્રામીણ પરિવેશથી શોભતા કિલ્લા, શાંત સરોવરોના કાંઠે ઊભેલા ભવ્ય રિસોર્ટ્સ, પરીકથારૂપ મહેલો તથા સુંદર હવેલીઓ, રણવિસ્તારની શાહી ચોકીઓ અને શાંત તીર્થસ્થળોનો સમાવેશ થાય છે. આ સ્થળો પ્રાકૃતિક માહોલમાં ઉજવણીના અવિસ્મરણીય અનુભવ માટે આદર્શ પશ્ચાદભૂ પૂરી પાડે છે. એટલું જ નહીં, લગ્નમાં મહાલવા આવતા સૌ લોકોને સલામતી અને પ્રાઈવસી પણ પૂરી પાડે છે.

લગ્નસમારંભો સાથે સંકળાયેલા તમામ પ્રસંગોની ઉજવણી કરી શકાય અને તમામ પ્રકારનાં બજેટને અનુકૂળ આવે એવાં ડેસ્ટિનેશન્સ રાજસ્થાનમાં ઉપલબ્ધ છે. આ વિકસતા બજારનો લાભ લેવા વેડિંગ પ્લાનરો વર અને વધૂની તમામ જરૂરતને પહોંચી વળે એવી વ્યાવસાયિક સેવા પૂરી પાડે છે. અબજોપતિઓ, સેલિબ્રિટીઝ અને સામાન્ય માણસો પણ એમનાં બજેટ પ્રમાણે રાજસ્થાનના મોહક માહોલમાં લગ્નસમારંભોની ઉજવણી કરવા ઈચ્છે છે.

અહીં યોજાતાં ડ્રીમ વેડિંગ તમને ઈતિહાસમાં ગરકાવ કરીને રાજસ્થાનના શાહી અતીતની સફરે લઈ જાય છે. એમાં તમામ વયજૂથના લોકો માટે કંઈક ને કંઈક પ્રવૃત્તિ કરવાનો અવકાશ રહે છે, જે એમના વેડિંગ અનુભવનાં સ્મરણોને વધુ સમૃદ્ધ બનાવે છે.

જયપુર